Göygöl Rayon Təhsil Şöbəsində 18 oktyabr-Dövlət Müstəqillik Günü münasibətilə iclas keçirilib

Göygöl Rayon Təhsil Şöbəsində 18 oktyabr-Dövlət Müstəqillik Günü münasibətilə iclas keçirilib. İclasda Göygöl RTŞ-nin müdiri Elbrus Atayev, müdir müavini Salman Atakişiyev, Metodiki Mərkəzin direktoru Afət Ələkbərova və Göygöl RTŞ-nin digər işçiləri iştirak edib.

İclasda çıxış edən Göygöl RTŞ-nin müdiri E.Atayev Dövlət Müstəqillik Günü barədə danışıb. " 18 oktyabr Azərbaycanın Dövlət Müstəqilliyi Günüdür. 25 il öncə Azərbaycan Ali Soveti Dövlət Müstəqilliyi haqqında Konstitusiya Aktını qəbul edib. 1991-ci il oktyabrın 18-də Ali Sovetin sessiyasında tarixi sənəd qəbul edilib. 1993-cü ildə ölkəmizdə ikinci dəfə hakimiyyətə qayıdışından sonra ulu öndər Heydər Əliyev Azərbaycanın müstəqilliyinin əbədi və dönməz etdi. Azərbaycan Respublikası artıq 25 ildir ki, əsarət altında olmayan, müstəqil, istiqlal ölkədir. Ölkəmiz bu istiqlaliyyətə Xalq Cümhuriyyətinin süqutundan 71 il sonra qovuşub. Azərbaycan indi güclü və demokratik ölkədir. Azərbaycan xalqı ictimai-siyasi, sosial-iqtisadi həyatının yeni bir dövrünü-müstəqillik dövrünü yaşayır. Bu dövr ərzində ölkəmiz dünya miqyasında sürətlə inkişaf edən ölkələr sırasında öncül yerlərdən birini tutur. Sosial, iqtisadi, siyasi, mədəni, bir sözlə, bütün sahələrdə əldə edilən yüksək göstəricilər və nəticələr isə ölkəmizin qüdrətini daha da artırmaqdadır.”

İclasda çıxış edən Göygöl RTŞ-nin digər işçiləri də tarixi gün haqqında məlumat veriblər. Sonda E.Atayev Göygöl RTŞ-nin işçilərini 18 oktyabr-Dövlət Müstəqillik Günü münasibətilə təbrik edib.

Raminə Məmmədova . Göygöl