Xəbərlər
18 oktyabr 2016
3 570
Qax rayonunda “Müstəqilliyimiz əbədidir” adlı tədbir keçirildi.
Oktyabrın 18-də Qax şəhər 4 nömrəli tam orta məktəbdə Azərbaycan Respublikasının müstəqilliyinin 25 illiyinə həsr olunmuş "Müstəqilliyimiz əbədidir” adlı tədbir keçirildi. Tədbirdə Rayon İcra Hakimiyyətinin , Rayon Gənclər və İdman İdarəsinin , Rayon Təhsil Şöbəsinin əməkdaşları iştirak etdilər.
Tədbiri giriş sözü ilə açan Şəhər 4 nömrəli tam orta məktəbin direktoru S.Hacıyev " Müstəqilliyimiz əbədidir” mövzusunda məruzə etdi. Bildirdi ki, 18 oktyabr Azərbaycanın yeni tarixində əlamətdar günlərdən biridir. Azərbaycan Respublikasının 1991-ci il oktyabrın 18-də Azərbaycan Xalq Cümhuriyyətinin varisi olaraq öz dövlət müstəqilliyini bərpa etdiyi tarixi gündən 25 il keçir. 1993-cü ildə ölkəmizdə ikinci dəfə hakimiyyətə qayıdışından sonra ulu öndər Heydər Əliyev Azərbaycanın müstəqilliyinin əbədi və dönməz etdi. Azərbaycan Respublikası artıq 25 ildir ki, əsarət altında olmayan, müstəqil, istiqlal ölkədir. Tədbir məktəbin özfəaliyyət qrupunun hazırladığı müstəqilliyə həsr olunmuş şeir, mahnı, kompozisiyalar və səhnəciklərlə davam etdirildi.
Günay Mahmudova .Qax
