Xəbərlər
17 oktyabr 2016
3 625
Göygöl rayonunda “Ümumi təhsil müəssisəsinin kitabxanasının Əsasnaməsi” nin təqdimatı ilə əlaqədar seminar keçirilib.
Oktyabrın 17-də Göygöl rayon 1 saylı tam orta məktəbində "Ümumi təhsil müəssisəsinin kitabxanasının Əsasnaməsi” nin təqdimatı ilə əlaqədar seminar keçirilib. Seminarda Göygöl Rayon Təhsil Şöbəsinin müdir müavini Salman Atakişiyev, Göygöl RTŞ-nin metodisti Cəmilə Vəliyeva, Göygöl rayon məktəblərinin kitabxanaçıları iştirak edib.
Azərbaycan Respublikası Təhsil Nazirliyi Respublika Elmi Pedaqoji Kitabxanasının oxuculara xidmət və abonement Şöbəsinin müdiri Ramazan Heydərov Göygöl rayonunun bəzi məktəblərinin kitabxanalarında olub. Kitabxanaların vəziyyəti, dərsliklərin qorunması və digər məsələlərlə bağlı öz təklif və tövsiyələrini verib.
Seminarın keçirilməsində məqsəd ümumtəhsil müəssisələrinin kitabxanalarının fəaliyyətini öyrənmək, metodik köməklik göstərmək və yeni təsdiq olunmuş "Ümumi təhsil müəssisəsinin kitabxanasının Əsasnaməsi” nin təqdimatı olub.
Seminar müddətində kitabların sənədləşməsi, kitabxanaçıların seminarlarda iştirakı, standart formalar, dərsliklərin qorunması, kitablardan səmərəli istifadə, dərsliklərin sistemli şəkildə yığılması, kitabxanaların tərtibatı və elektronlaşması, sərgilərin tərtibi, dərsliklərin siyahıya alınması, formulyarlar, kitab işləmə qanunları mövzuları müzakirə olunub
Raminə Məmmədova .Göygöl.
