Xəbərlər / Müəllim
17 avqust 2018
2 871
“Direktor dedi ki, yalnız yaxın qohumunu işə düzəldəcək” – Müəllimdən MİQ-lə bağlı etiraz
AzEdu.az saytı Azərbaycanın müxtəlif bölgə və şəhərlərində çalışan müəllimlərin silsilə yazılarını işıqlandırmağa davam edir.
Budəfəki yazı AzEdu.az –ın müəllimlər şəbəkəsinin Bakı şəhərindən olan üzvü, ibtidai sinif müəllimi Aysel Alıcanovaya aiddir.
"Gün ərzində təhsil haqqında müxtəlif xəbərlər oxuyuram.Bu dəfə bəzi gözdənkənar məlumatlar haqda yazmaq istəyirəm. Təhsil Nazirliyi iyul ayından başlayaraq müəllimlərin işə qəbulu müsabiqəsinə başlayıb.2015-ci ildə müdavimlər ilk dəfə 60 suallıq sistemdən keçərək müəllim olub və məktəblərə təyinat alıblar.Bu sistemdə təhsil işçiləri müdavimləri sorğu - sual edərək müsahibəni həyata keçirirdilər.Direktor burada məsuliyyət daşımır və yalnız müəllimləri məktəbdə qəbul edirdi.Lakin bu ildən başlayaraq direktorlar komissiya üzvü oldular.Yazacağım mövzu əslində, bununla bağlıdır.Direktorların komissiya üzvü olmasının həm mənfi, həm müsbət cəhətləri var. Direktor subyektindən öz müəllimlərinin biliklərini əvvəlcədən sorğu-sual edib tanıyır və qəbul edir. Mənfi cəhətlər isə hər kəsin görmədikləridir.Bu haqda öz yaşadıqlarımdan bir nümunə deyəcəyəm.
"Qulaq müsafiri oldum: yalnız yaxın qohumunun qızını işə düzəldəcəyini deyirdi”
2015-ci ildə işə qəbul olanda keçmiş məktəbimdəki direktorun qəbula gedəndə istəmədən qulaq müsafiri oldum.O, mənim qapıda olduğumu bilmirdi. Onun telefon danışığını eşitdim.Direktorum gələn müdavimləri qəbul edə bilməyəcəyini,vakant yer olmadığınagörə, yola salacağını,yalnız yaxın qohumunun qızını müqavilə ilə işə düzəldəcəyini deyirdi.O zaman mən çox pis oldum. Lakin özümü ələ alıb, sanki bunu eşitməmiş kimi otağa daxil oldum. Direktorun rəngi saralmışdı.İşə qəbul olunmuşdum və sənədlərimi təqdim edərək, məni Təhsil İdarəsinin göndərdiyini söylədim.Daha sonra Təhsil Nazirliyinə inandığımı,burada ən azı 3 il işləyə biləcəyimi dedim.Bu 3 il ərzində nazirliyin də yanımda olacağını və otağımı görmək istədiyimi bildirdim. Direktor mənə heç nə deyə bilmədi.Çünki otağa daxil olmamışdan əvvəl mənə nə deyəcəyini təxmin etmişdim. Anidən telefonu çaldı, eyni adamın səsi idi.Direktor artıq gec olduğunu və müəllimin gəldiyini söylədi. Lakin eyni zamanda başqa cavan müəllimlərdən də xəbərlər eşidirdim. Hətta başqa məktəb direktoru magistraturanı bitirmiş bir müəllimi (vakansiyanın yanlış verildiyini bəhanə etmişdi) işəqəbul etməmişdi, bu nazirliyə bildirildikdən sonra o, başqa yerdə işlə təmin edilmişdi. İndi isə direktorlar komissiya üzvü kimi müəllimləri qəbul edirlər.O zaman bizim həmişə inandığımız, bir pənahımız Təhsil Nazirliyi var idi.İndi də var.Nazirliyə həmişə inanırıq, lakin təsəvvür edin ki, elə direktor komissiya üzvüdür. Bu müdavimləri gəlin düşünək! Nəzəri bilikləri universitetdə əldə edən müdavimlər məktəblərdə praktiki cəhətdən təkmilləşə bilərlər.Bəzən elmi işçilərin məktəbşünaslıq haqqında yazdıqları kitablarını oxuyarkən bəzi səhv cəhətlər tapıram və bunu müəlliflərə deyirəm.Məktəb praktikası nəzəriyyə ilə eyni deyil və bu müəllim yalnız işlədikcə bacarıqlarını artırır.
Təbii ki, söylədiklərim hər direktora aid deyil. Amma unutmayaq ki,rüşvətlə,saxtakarlıqla məşğul olan direktorlar da az deyil.Mən bu sahədə artıq özümü təkmilləşdirərək,rəhbərlikdə mənfi,müsbət cəhətləri ayırd etməyə çalışıram.Gəlin düşünək...Elə direktorlar komissiya üzvü olsaydı nə olardı?! Onlara bu məsuliyyəti vermək olarmı?!Ən azından həmin insanlar nazirlikdən çəkinir, gənc müəllimləri incidə bilmirlər.İndi onlar gənc müəllimlərin taleyini həll edirsə, bəs bu cavan müəllimlər kimə sığınsın?
