Xəbərlər / Valideyn
24 iyun 2018
2 635
Bağçalarında valideynlər üçün fərdi videomüşahidə sistemi yaradıla bilər.
Bakı şəhərinin uşaq bağçalarında valideynlər üçün fərdi videomüşahidə sistemi yaradıla bilər.
Bu barədə Trend-ə layihəni həyata keçirməyi düşünən şirkətin rəsmisi Cümşüd Əliyev məlumat verib.
Onun sözlərinə görə, hazırda bu servis sınaq mərhələsindədir və servisin sınağının uğurlu olacağından asılı olaraq paytaxtın uşaq bağçalarına təklif olunacaq: "Söhbət uşaq bağçasında 360 dərəcəli kameraların quraşdırılmasından gedir ki, bu da hər bir valideynə smartfon vasitəsilə istənilən vaxt uşağının nə ilə məşğu olduğunu görmək imkanı yaradır. Uşaqla sistem vasitəsi ilə ünsiyyətdə qurmaq mümkün olacaq".
C.Əliyev qeyd edib ki, layihə üzrə hazırlıq işləri sentyabr ayına qədər aparılacaq və layihə irimiqyaslı xarakter daşıdığı zaman mobil operatorlara təklif ediləcək: "Valideynlər kameralara xüsusi IOS və Android distributivlər vasitəsilə əldə edə biləcəklər. Kameraların bağçalarda quraşdırılması ödənişlə həyata keçiriləcək. Valideynləri isə onlardan ödənişsiz olaraq istifadə edə biləcəklər. Bundan başqa, ödəniş məlumatların saxlanılması tələb olunduğu halda istənilə bilər".
