Xəbərlər / Abituriyent

29 may 2018

700 bal toplayanlar bəribaşdan ixtisas da seçiblər

Hazırda abituriyentlər ən həssas dönəmlərini yaşayırlar. Ali məktəbi qazanmaq uğrunda ciddi mübarizə gedir.

Dövlət İmtahan Mərkəzinin abituriyentlərə verdiyi şans nəticəsində artıq yaz imtahanlarında ən yüksək nəticə göstərənlər var.

Abituriyentlər II və III qrup üzrə mayın 13-də, I və IV qrup üzrə mayın 20-də biliklərini yoxlayıblar. İlkin olaraq 10 nəfər rekord nəticə göstərərək, 700 bal toplayıb.

Maraqlıdır, 700 bal toplamış abituriyentlər rəsmi olmasa da, özlüyündə ali təhsil müəssisəsi və ixtisas üzrə seçim ediblərmi? Onların yay imtahanlarına qatılıb-qatılmaması da maraq doğrurur.

AzEdu.az modern.az saytı 700 bal toplayanlarla əlaqə saxlayaraq, bu suallara cavab almağa çalışıb.

III qrup üzrə imtahan verən Elvin Kərimli yay imtahanlarına qatılmaq barədə düşünmür:

"Hüquq ixtisası üzrə təhsil almaq fikrindəyəm. Universitetə gəlincə, böyük ehtimalla Bakı Dövlət Universiteti olacaq. 700 baldan yüksək yer yoxdur ki, ikinci imtahanlara qatılım. Ona görə də yay imtahanlarına da qatılmayacam”.

III qrup üzrə imtahan verən Leyli Əhmədova universitetini müəyyənləşdirməyən abituriyentlər arasındadır.

"İxtisas olaraq hüquq üzrə təhsil almaq fikrindəyəm. Amma universitetimi hələ ki müəyyənləşdirməmişəm. Yay imtahanlarına isə qatılmayacam”.

II qrup üzrə imtahan verən Cahan Haşımzadə yay imtahanlarına qətiyyən qatılmayacağını söyləyib.

"Həm ixtisasımı, həm də universitetimi müəyyənləşdirmişəm. İqtisad Universitetində maliyyə ixtisası üzrə ingilis dilində təhsil almaq fikrindəyəm. Yay imtahanlarına da qatılmayacam”.

II qrup üzrə imtahan verən Jalə Rəcəbova deyir ki, hələ seçim etməyib.

"700 bal toplasam da, nə ixtisasımı, nə də universitetimi müəyyənləşdirmişəm. Düşünürəm ki, hələ vaxta var. Eyni zamanda, yay imtahanlarına da qatılmayacam”.

II qrup üzrə imtahan verən Zeynəb Quluzadə həm ixtisasını, həm də universitetini müəyyənləşdirib:

"İxtisas olaraq hüquq fakultəsində oxumaq istəyirəm. Universitetim də ADA olacaq. Bunu çox arzulayıram. Yay imtahanlarına da qatılmayacam”.

I qrup üzrə imtahan verən Vasif Əsədov da yay imtahanlarına qatılmayacaq:

"Bakı Ali Neft Məktəbində proseslərin avtomatlaşdırılması ixtisası üzrə təhsil almağı düşünürəm. Yay imtahanlarına qatılmayacam”.

I qrup üzrə imtahan verən Əsra Bayramovanın ən böyük arzusu Bakı Ali Neft Məktəbində oxumaqdır:

"Bakı Ali Neft Məktəbində oxumaq ən böyük arzumdur. İxtisasa gəlincə, ikisinin arasında hələ ki dəqiq seçim etməmişəm: ya proseslərin avtomatlaşdırılması, ya da informasiyanın təhlükəsizliyi ixtisası üzrə təhsil almaq istəyirəm. Yay imtahanlarına isə qatılmayacam”.

III qrup üzrə imtahan verən Xəyyam Sultanlı universitetini dəqiqləşdirmədiyini deyir.

"Hüquq fakultəsində ixtisas almağı düşünürəm. Amma universiteti hələ dəqiqləşdirməmişəm. Ya Bakı Dövlət Universiteti, ya da ADA olacaq. Yay imtahanlarına qatılmayacam”.

IV qrup üzrə imtahan verən Rəna Əliyeva da ali təhsil alacağı məkan barədə qərarlıdır:

"Azərbaycan Tibb Universitetinin "müalicə işi” ixtisası üzrə təhsil almağı düşünürəm. Yay imtahanlarına da qatılmayacam”.

III qrup üzrə imtahan verən Şayxanım Həsənova da tam seçim etməyib:

"İxtisas olaraq hüququ seçsəm də, universiteti hələ seçməmişəm. Yay imtahanlarına da qatılmaq fikrim yoxdur”.

Məqalə Göndər

Загрузка...

Həmçinin oxuyun:

Bu il 700 bal toplayan abituriyentlər ikinci dəfə imtahan verəcəklərmi?

700 bal toplayan tələbələr hansı universitetlərdə oxuyacaq? - SİYAHI

700 bal toplayan abituriyentlər Azərbaycanda ali təhsil almaq istəyirlər

700 bal toplayan tələbələr necə oxuyurlar...

700 bal toplayan tələbələr qış imtahanını necə verir?!

Rus bölməsinin abituriyentləri üçün əlverişli imkan

700 bal toplayan tələbələrdən qış imtahanlarında kimlər kəsildi...

Yay imtahanlarına qatılmaq istəyən abituriyentlərə xəbər var

Buraxılış imtahanlarına hazırlaşanlar üçün yeni vəsait nəşr edilib Böyüt

Bakı Ali Neft Məktəbi ən yaxşı ali təhsil müəssisəsi seçilib

Qəbul imtahanlarında 700 ballıların ilk imtahan nəticələri necə oldu?

Ali məktəblərə qəbulda BİR İLK - Abituriyentlərə şans veriləcək

Bu il 314 şagird təhsildən yayındığı üçün buraxılış imtahanlarına buraxılmayıb

İlin rekordu və ilin ixtisası

Sınaq imtahanlarına qeydiyyat başladı

Bu il qəbul imtahanlarında iştirak edən abituriyentlərin nəticələri və orta balı açıqlanıb

Aprelin 1-dən abituriyentlər üçün ödənişli elektron sınaq imtahanları keçiriləcək

DİM: “Həm 1-ci, həm də 2-ci qəbul imtahanlarına asan, orta, çətin suallar salınıb” - MÜSAHİBƏ

“Yeni təhsil proqramı (kurikulum) üzrə qiymətləndirmə tapşırıqları” vəsaitləri -Buraxılış imtahanlarına hazırlaşanların nəzərinə

669 bal topladı, universitetə qəbul ola bilmədi - AZƏRBAYCANDA İNANILMAZ OLAY

TQDK bu il qəbul imtahanlarında heç bir dəyişiklik etməyəcək..

Bakıda eksternat imtahanlarına qeydiyyat başlayıb

Yüksək balla tələbə ola bilməyənlər barədə rəsmi AÇIQLAMA verildi

Bu yay ən çox abituriyentin imtahan verəcəyi qrup I qrupdur-23405 nəfər