Xəbərlər
08 sentyabr 2016
3 705
Onlar hamımız üçün layiqli nümunədir
Bu, bir həqiqətdir ki, hansı sahədə çalışmasından asılı olmayaraq, öz işinə vicdanla və məsuliyyət hissi ilə yanaşan nizam-intizamlı insanlar həmişə işlədikləri kollektivdə hörmət sahibi olıur, onlara yüksək münasibət formalaşır. Onların intizamlı əmək fəaliyyəti həm də hər birimiz üçün layiqli nümunədir. Qeyd edək ki, hazırda Azərbaycan Dövlət Pedaqoji Universitetində (ADPU) belə şəxslərə lazımi diqqət və qayğı göstərilir. Bu baxımdan, ADPU-nun rektoru, professor Cəfər Cəfərovun sentyabr ayının 5-də universitetimizin iki müəllimi haqqında imzaladığı əmrləri xüsusi qeyd etmək istəyirik. Belə ki, rektorun əmrləri ilə uzun illər ADPU-da səmərəli elmi-pedaqoji fəaliyyət göstərdiklərinə görə İbtidai təhsil fakültəsinin Riyaziyyat və onun ibtidai kursunun tədrisi metodikası kafedrasının dosenti Sabir Piri oğlu Süleymanova, həmçinin Musiqi, təsviri incəsənət, fiziki tərbiyə və çağırışaqədər hazırlıq fakültəsinin Təsviri incəsənət və onun tədrisi metodikası kafedrasının dosenti Ağayeva Sima Abbasovnaya təşəkkür elan edilmişdir. Eyni zamanda onlara yüz manat pul mükafatı verilmişdir. ADPU-nun kollektivi bunu universitet rəhbərliyinin diqqət və qayğısının təzahürü və eyni zamanda bu ali təhsil müəssisəsində müsbət bir ənənənin başlanğıcı kimi qiymətləndirir.
Mənbə : ADPU-nun İctimayyətlə Əlaqələr Şöbəsi
