Xəbərlər / Orta ixtisas
17 mart 2018
3 166
Məktəblərdə şəhadətnaməni attestat əvəzləyib - RƏSMİ
2017-ci ildən etibarən, IX və XI sinifləri bitirənlərə verilən dövlət təhsil sənədinin adı eyniləşdirilib.
Belə ki, buna qədər IX sinfi bitirənlərə şəhadətnamə, XI sinfi bitirənlərə isə attestat verilirdi.
Azərbaycan Təhsil Nazirliyindən Aztehsil.com-un sorğusuna cavab olaraq bildirilib ki, təhsil sənədləri ümumi orta, yaxud tam orta təhsil səviyyəsini başa vuran təhsilalanların biliyinin yekun qiymətləndirilməsinin (attestasiyasının) nəticələri əsasında verilir:
"Bununla əlaqədar onlardan birinin şəhadətnamə, digərinin isə attestat adlandırılması mahiyyət etibarilə məqbul deyildi. Ona görə də ümumi orta təhsil səviyyəsini bitirmiş məzunlara verilən təhsil sənədinin "ümumi orta təhsil haqqında attestat” adlandırılması məqsədəuyğun hesab edilib.
Eyni zamanda, yeni attestatların formatı da təkmilləşdirilib. Qeyd edək ki, Azərbaycan Respublikası Nazirlər Kabinetinin 2016-cı il 24 noyabr tarixli 479 nömrəli qərarı ilə "Ümumi təhsil pilləsində təhsil haqqında dövlət sənədlərinin nümunələri və onların verilməsi Qaydası” və attestat nümunələri yeni redaksiyada təsdiq edilib”.Azedu//
