Xəbərlər / Magistr
22 fevral 2018
2 663
Dövlət İmtahan Mərkəzi Azərbaycan Milli Elmlər Akademiyasının magistraturalarına qəbul imtahanını keçirəcək
Dövlət İmtahan Mərkəzi (DİM) fevralın 25-də ali təhsil müəssisələrinin və Azərbaycan Milli Elmlər Akademiyasının magistraturalarına qəbul imtahanının birinci mərhələsini keçirəcəkdir.
İmtahan bütün binalarda eyni vaxtda–saat 13:00-da başlanacaq və 2 saat 30 dəqiqə davam edəcəkdir.
Ərizə vermiş bakalavrlar imtahanda iştirak etmək üçün fevralın 16-dan etibarən DİM-in internet saytına daxil olub "şəxsi kabinet”in istifadəçi adı və parolundan istifadə etməklə "İmtahana buraxılış vərəqəsi”ni çap edirlər. Burada iştirakçının imtahan verəcəyi şəhər, bina və digər məlumatlar qeyd olunur.
Bakalavrlar imtahana gələrkən aşağıda göstərilən sənədləri mütləq özləri ilə gətirməlidirlər:
- Şəxsiyyəti təsdiqləyən sənədin əslini;
- "İmtahana buraxılış vərəqəsi”ni.
Göstərilən sənədləri arasında uyğunsuzluq aşkarlanan, yaxud həmin sənədlərdən biri olmayan şəxslər imtahana buraxılmayacaq. Daha ətraflı məlumat üçün http://dim.gov.az/news/1231/ keçidinə daxil ola bilərsiniz.
Bütün imtahan iştirakçılarına uğurlar arzu edirik.
