Xəbərlər / Direktor / Müəllim
31 yanvar 2018
5 052
Nizami Namazovdan ərizə alındı: Müddətli müəllim ştatına götürülənlərin aqibəti necə olacaq?
Bir müddət öncə Sumqayıt şəhər 9 saylı tam orta məktəb haqqında saytımızda məlumat vermişdik.
9 saylı şəhər tam orta məktəblə bağlı redaksiyamıza daxil olan məlumatlardan ilk baxışdan təhsil müəssisəsinə yeni təyin olunmuş direktor əvəzi Həqiqət Abdullayevanın qanunları pozduğu görünür.
Aztəhsil.com xəbər verir ki, sözügedən məsələ ilə bağlı keçmiş Sumqayıt Təhsil Şöbəsinin müdiri Nizami Namazovdan ərizə alınıb.
Qeyd edək ki, Nizami Namazov Sumqayıt şəhər Təhsil şöbəsinin müdiri vəzifəsində olarkən 200-dən artıq müəllimdən 5000 manat alaraq onları müqaviləli işə götürüb.
Hal-hazırda Sumqayıt şəhər 9 saylı tam orta məktəbin direktor əvəzi olan Həqiqət Abdullayeva da sözügedən müəllimlər sırasındadır.
Müəllimlərin işə qəbulu üzrə müsabiqənin müsahibə mərhələsindən xaric olunan xanım direktor, hazırda qalmaqalla məşhurlaşan məktəbin direktorudur.
Onu da qeyd edək ki, 5000 manat verərək müddətli müəllim ştatına götürülən müəllimlər hazırda ciddi təşviş içərisindədirlər.
Maraqlıdır, pul verib işə qəbul olunan müəllimlərin aqibəti necə olacaq?
Aztəhsil.com
