Azərbaycanda riyaziyyat müəlliminin qaçırılma səbəbi ORTAYA ÇIXDI
Hacıalılı kənd bələdiyyəsinin sədri Akif Əhmədov açıqlamasında bildirib ki, qaçırılan müəllimə bu ilin sentyabr ayından kənd məktəbində işləyib.
"O məktəbdə işləyən 3 müəllimə ilə birlikdə kirayə qalırdı. Yaşadıqları ev məktəbin yaxınlığında idi. Dünən günorta saatlarında müəllimə yoldaşı ilə dərsdən çıxıb evə gedəndə yolda olarkən onu qaçırıblar. Qaçıran oğlan da bizim kəndin adamıdır. Onun anası məktəbdə ibtidai sinif müəlliməsidir”.
A.Əhmədov bildirib ki, qızın ailəsi polisə müraciət edib:
"Qızın ailəsi artıq kəndə gəlib, polis də ailənin şikayəti əsasında araşdırma aparır. Qızın hara aparılması barədə heç bir məlumat yoxdur”.
x x x
Bərdə rayonunda müəllimə zorla qaçırılıb.
Rayonun Hacıalılı kənd məktəbinin riyaziyyat müəllimi olan qız qaçırılıb.
Məktəbdən bildirilib ki, qaçırılan qız Goranboy rayon sakinidir, Hacıalılı məktəbinə Təhsil Nazirliyinin göndərişi ilə işləməyə gəlib.
Hadisə ilə bağlı məktəb rəhbərliyi Bərdə rayon Polis Şöbəsinə və qaçırılan qızın ailəsinə məlumat verib.
Onun başqasına nişanlı olduğu, zorla qaçırıldığı bildirilir.
