"Peşə təhsili müəssisələri üzrə əsas fəaliyyət göstəriciləri” təsdiqlənib
"Peşə təhsili müəssisələri üzrə əsas fəaliyyət göstəriciləri” təsdiqlənib.
Məlumata görə, bununla bağlı təhsil naziri vəzifəsini müvəqqəti icra edən, nazir müavini Ceyhun Bayramov əmr imzalayıb.
Əmr əsasən Peşə Təhsili üzrə Dövlət Agentliyinə peşə təhsili müəssisələri üzrə əsas fəaliyyət göstəricilərinin müəyyən olunması mexanizminin hazırlanmasını, peşə təhsili müəssisələri üzrə əsas fəaliyyət göstəricilərinin müəyyən olunması məqsədilə zəruri tədbirlərin (ezamiyyət və monitorinqlərin təşkili, sorğuların aparılması və digər) görülməsini, peşə təhsili müəssisələri üzrə əsas fəaliyyət göstəricilərinin vəziyyəti barədə illik hesabatların Nazirliyə təqdim edilməsini təmin etmək tapşırılıb.
Əmrin icrasına nəzarət Peşə Təhsili üzrə Dövlət Agentliyinin direktoru Famil Mustafayevə həvalə olunub.
