Dərs yoxsa valideyn-övlad münasibətləri: Necə davranmalı?

Valideynlər müxtəlif olurlar: bəziləri özünə əmin olan, uğurlu və məsuliyyətli övladlar tərbiyə edirlər, digərləri isə əllərindən gələni edirlər ki, uşaqlarını daimi nəzarət altında saxlasınlar. Belələri üçün övladların gələcəkdə necə insan olacağı maraqlı deyil.

Uşaq yalnız öz sərbəst vaxtı olduğu halda müstəqilliyi öyrənə bilər. Övladınızın bütün boş vaxtını niyə dərsə sərf edəsiniz? Siz nə qədər tələbkar olsanız, övladınıza ona nəyin vacib olduğunu başa düşməyə bir o qədər də çətin olacaq.

Övladların məktəbdə qiymətləndirilməsinə çox əhəmiyyət verən valideynlər çox vaxt uşaqları ilə nələr baş verdiyinə fikir vermirlər. Görəsən, neçə əlaçı həqiqətəndə dərs oxumağı sevir? Neçə uşaq öz əla qiymətlərini əzbərləmə sayəsində və ya valideynlərinin ürəyincə olsun deyə alırlar? Belə uşaqların əksəriyyəti özünə inamsızlıqdan əziyyət çəkirlər, onlar müstəqil seçim edə bilmirlər və hər zaman səhv addım atacaqlar deyə qorxurlar.

Övladınız məktəbdən evə gələn kimi ondan qiymətləri barəsində məktəbdə işlərin necə getməsini soruşmayın. Ondansa uşaqdan soruşun ki, onunla bu gün maraqlı nə baş verib, həmin an o, hansı emosiyaları keçirib.

Cavan adamların psixikası yeni formalaşmağa başlayır və daimi qiymət narahatçılığı onların sinir sistemində dəyişikliklərə səbəb ola bilər. Nəzərə alın ki, vaxt keçdikcə həmin o qiymətlər əhəmiyyətsiz olacaq. Övladınızın sizə qarşı olan isti münasibəti, sevgini və inamını qorumaq həmin o qiymətlərdən qat-qat üstündür.