Gəncə şəhər 25 saylı tam orta məktəbdə "Bədii ədəbiyyata, bədii qiraətə, kitaba maraq oyatmaq" adlı layihə keçirilib
Gəncə şəhəri, N.Nərimanov adına 25 nömrəli tam orta məktəbdə Aytən Mahir qızı Cumalıyevanın "Bir qalanın sirri" kinofilinə istinadən, şagirdlərdə "Bədii ədəbiyyata, bədii qiraətə, kitaba maraq oyatmaq" adlı layihəsi keçirilib.
Aztəhsil.com xəbər verir ki, layihə məktəbin 3-cü və 4-cü sinif şagirdləri arasında keçirilib.
Qeyd edək ki, sözügedən layihədə motivasiya olduqca maraqlı olub.
Eynən kinofilmdə olduğu kimi nənənin də boğçasından qıfıl, bir parça sim, qanlı daş və nar çxıb.
" Bir qalanın sirri " kinofilmindən kiçik parçalar nümayiş edilməklə fəal təlimin- beyin həmləsi, müzakirə, debat, diskussiya üsullarından, eləcə də MMT, filmin xəritəsini quraraq şagirdlərdə həvəs, maraq oyadılıb.
Şagirdlər çox böyük bir həvəslə, fikirlərini səsləndirib müzakirəyə qoşulublar.
Daha sonra şagirdlər müəllimə tərəfindən promethan lövhədə hazırlanmış maraqlı bir slayda tamaşa ediblər.
Layihəni keçirməkdə məqsəd şagirdlərdə bədii ədəbiyyata, bədii qiraətə, mütaliəyə maraq oyatmaq, kitabın insan həyatında önəmli olması, insanın intellektual səviyyəsinin artırılmasında, o cümlədən, idrak və təfəkkürü artırmaqla yanaşı, nitq qabiliyyətinin, orfoqrafiya, orfoepiya, ünsiyyətqurma bacarığının inkişaf etdirilməsi olub.
Nəticə isə, belə olub: Hər axşam saat 7-də, televizoru, telefonları,kompüterləri söndürərək, ailəlikcə kitab oxumaq.
Gəncə şəhəri, N.Nərimanov adına 25 nömrəli tam orta məktəbin ibtidai sinif müəlliməsi və metodbirləşmə sədri
