Tələbələr Beynəlxalq Tələbə Gününü qeyd ediblər
Bakıda "Park Bulvar” ticarət mərkəzində ali təhsil müəssisələrinin tələbələrinin iştirakı ilə 17 noyabr - Beynəlxalq Tələbə Günü qeyd olunub.
Tədbir Gənclər və İdman Nazirliyinin və Azərbaycan Tələbə Gənclər Təşkilatları İttifaqının (ATGTİ) birgə təşəbbüsü ilə baş tutub.
Tədbirdə istedadlı və yaradıcı tələbələrin iştirakı ilə konsert, interaktiv oyunlar və viktorinalar təşkil olunub.
Bakı Musiqi Akademiyasının gənclər kamera orkestri, Azərbaycan Milli Konservatoriyasının, Azərbaycan Dövlət İqtisad Universitetinin yaradıcı və istedadlı tələbələrinin iştirakı ilə konsert proqramı təqdim edilib. Həmçinin Azərbaycan Dövlət Rəssamlıq Akademiyasının tələbələrinin əl işləri sərgilənib.
Bundan əlavə, rəssam tələbələr tamaşaçıların iştirakı ilə dostluq şarjları çəkib, müxtəlif əl işləri hazırlayıblar.
