Xəbərlər / Valideyn / Müəllim
14 noyabr 2017
2 933
Azərbaycanda peşə məktəbləri 1, 3 və 4 illik olacaq
"Peşə təhsili haqqında” yeni qanun layihəsi Milli Məclisin Elm və təhsil komitəsinin iclasına çıxarılır.
Aztəhsil.com xəbər verir ki, modern.az-ın məlumatına görə, yeni qanun layihəsində dövlət, özəl, bələdiyyələrin nəzdində peşə məktəblərinin fəaliyyət göstərməsi əks olunub.
Həmçinin, yeni qanun layihəsində peşə təhsilinin müddətləri müəyyən olunub. Bunlar 1, 3 və 4 illik müddətlərdir. Yeni sənəddə peşə təhsili müəssisələrinə qəbul qaydaları, lisenziyalaşma və idarəetmə ilə əlaqədar məsələlər öz əksini tapıb.
"Peşə təhsili haqqında” yeni qanun layihəsi Milli Məclisin Elm və təhsil komitəsinin noyabrın 14-də keçiriləcək iclasında müzakirəyə çıxarılacaq.
