Qarğıdalı saçağını dəmləyib için - Min dərdin dərmanı
Qarğıdalı saçağı insan orqanizmi üçün olduqca faydalı, təbii dərmandır.
Aztəhsil.com mətbuat.az-a istinadən xəbər verir ki, yüksək liflə zəngin olan qarğıdalını təmizləyərkən saçaqlarını atmayın. Saçağı bir miqdar su ilə qaynadıb içdikdə, sağlamlıq üçün faydalı qida halına gəlir.
Sidikqovucu xüsusiyyəti ilə böyrək daşının əmələ gəlməsinin qarşısını alır. Sidik yolları infeksiyalarını, kişilərdə prostat vəzi problemlərini sağaldır.
Qarğıdalı saçağı çayı orqanizmə qüvvət verərək, revmatizma ağrılarına faydalıdır. Yüksək təzyiqi aşağı salır və qan dövranını nizamlayır.
Şəkər xəstələrinə də faydalı olan bu çay xroniki yorğunluğu olanlarda qüvvətlənməyə yardımçı olur. Çayı necə hazırlamaq lazımdır? Qaynatdığınız suya saçaqları doğrayıb atın. 10 dəqiqə aşağı atəşdə dəmləyib için.
