Azərbaycan təhsilində yeni dəb- Hansı müəllimin ki...
"Azərbaycan təhsilində yeni dəb yaranıb, hansı müəllimin ki, kişi direktordan xoşu gəlmir, yəni direktor onun çaldığına oynamır, onda başlayırlar direktora cinsəl böhtanlar atmağa. Guya ki, direktor bunlara nəsə təklif edib, onlar isə guya razı olmadıqlarına görə direktor onu sıxma-boğmaya salır, işləməyə imkan vermir və sair!
İndi də guya 62 yaşlı kişi direktor balaca qızın dodağından öpüb! 62 yaşda kişi?! Qadın ləyaqəti bu qədədər ucuzlaşıb? Adlarını xalq müəllimi qoyublar! O gün də bir cavan müəllimə çıxıb iddia edirdi ki,.. İnternetdə bunlardan nə qədər var!
Əslində özünü ləyaqətli aparan qadına heç 32 yaşda şorgöz kişi də söz atmaz. Əgər hansısa cavan direktor həqiqətən də çaşırsa, buna rəvac verən səbəb həmin o qadın müəllimənin açıq-saçıq geyimi və hədyan davranışı olur. Yəni ki, düyə göz eləməsə,..
Cavan qadınlar heç utanmadan, çəkinmədən bu cür iddialarla internet səhifələrinə, efirə necə çıxırlar. Anlamaq olmur! Yerə soxum sizi! Ölüb-yerə girin də! Siz sabah sinifə necə girəcəksiniz? Şagirdin üzünə necə baxacaqsınız?
Bu yolla direktoru rüsvay etmək, ondan dərs yükünə görə, töhmətə görə, hər ay Təhsil İdarəsində paylamaq üçün müəllimdən pul toplamaq əməlinə görə hayıf çıxmaq,.. Ayıb deyilmi?
Özlərini də rüsvay etdiklərini heç düşünmürlər. Əgər həqiqətən də bu cür hal varsa, bunu ictimailəşdirmədən, başqa cür də həll etmək olar. Gərək o adamda abır-həya olsun ki, düşünsün də! Bu cür yollarla direktoru çıxartdırıb, yerinə özünü və ya öz namizədini gətirmək istəyirlər.
Bəzilərinin əri Rusiyada pul qazanır deyə arvad özünü müxtəlif vəzifələrdə görür. Rüşvətin canı sağ olsun!
Gör millət nə günə düşdü! Bu yolda hətta balaca qızcığazlardan da istifadə edirlər! Kül olsun elələrinin xidmət göstərəcəyi təhsilin başına! Elə öz başına da...
Belə getsə kişi müəllimlər imtina edəcək, məktəb direktorları tamam qadınlaşacaq, onda təhsilin başına ikiəlli qapaz olacaq! Zatən onsuz da kişilər müəllimlikdən uzaq düşür. İnşaallah Təhsil Nazirliyi bu cür oyunlara getməz!".
