DQ-nin nəticəsindən narazı müəllim: "Nəticələrim ləğv olundu və..."

Bildiyimiz kimi Diaqnostik Qiymətləndirmə qiymətləndirmə işçininin biliyini qiymətləndirmə mexanizmdir .

Son dövrlər müəllimlərin bilik və bacarıqlarının dioqnostik qiymətləndirilməsi adlanan proses həyata keçirilib. Bu proses müəllimlərin və hökumətin attestasiyaya hazırlıq üçün bir stimul rolunu oynasa da ancaq və ancaq müəllimlərin ilkin biliklərini müəyyən etməyə bir mexanizm oldu.

Məsələ ilə bağlı Aztəhsil.com-un redaksiyasına İmişli rayon Vaqif Haqverdiyev adına Mürsəlli kənd tam orta məktəbinin ibtidai sinif müəllimi Rəcəbova Puta Əzim qızı tərəfindən müraciət daxil olub.

Müraciətdə bildirilir ki, sözügedən şəxs Şirvan şəhərində keçirilən müəllimlərin Diaqnostik Qiymətləndirmə imtahanında iştirak edib və yüksək nəticə əldə etməsinə baxmayaraq, nəticəsi ləğv olunub.

"Mən Şirvan şəhərində keçirilən müəllimlərin Diaqnostik Qiymətləndirmə imtahanında iştirak edib, 21 bal toplamışam və imtahandan keçmiş hesab olunmuşam. İmtahandan əvvəl saytlarda və qəzetlərdə keçid balını 6 bal qeyd etmişdilər. Buna baxmayaraq, 2016-2017-ci tədris ilinin may ayında Təhsil Nazirliyinin təşkil etdiyi 120 saatlıq kursa cəlb olunmuşam.Birinci növbə dərs deməklə yanaşı, ikinci növbə ucqar bir kənddən rayona gedərək kursda iştirak etmişəm. Kursun sonunda Nazirliyin keçirdiyi imtahanda iştirak edərək, keçid balından artıq bal toplayaraq, ixtisasım üzrə 43 suala cavab vermişəm. Topladığım bal Nazirlik tərəfindən müsbət nəticə hesab edilib. Buna baxmayaraq nəticələr kimlərsə tərəfindən ləğv edilib. Bu tədris ili yerim vakant elan olunaraq müəllim göndərilib və mənə isə 6 saat dərs verilib. Bütün bunlar ədalətsizlik, haqsızlıq deyilmi?”.

Aztəhsil.com

Məqalə Göndər