Xəbərlər
09 iyun 2016
3 249
“Yaz həyəti” layihəsinə yekun vuruldu
Bildiyiniz kimi, cari ilin yaz aylarında Təhsil Nazirliyi və IDEA İctimai Birliyinin birgə layihəsi çərçivəsində təhsil müəssisələrində kütləvi iməcilliklər keçirilmişdir. Həyata keçirilən "Yaz həyəti” layihəsinin məqsədi təhsil müəssisələrində şagirdlər arasında ətraf mühitin qorunması üçün marifləndirmənin aparılması olmuşdur. 
Layihə 15 ali təhsil müəssisəsində, 94 ilk peşə təhsili və orta ixtisas təhsili müəssisəsində 12 apreldən etibarən 48 rayon və şəhəri əhatə etməklə cari ilin 1 may tarixinədək həyata keçirilmişdir.
Bu müddət ərzində təhsil müəssisələrinə ayrılmış 12000 yaxın ağac tingləri müəssisələrə aid həyətyani sahələrdə əkilmişdir.
"Yaz həyəti" layihəsi çərçivəsində Bakı, Gəncə və Sumqayıt şəhərlərində ümumi 26 orta təhsil müəssisəsində "Ən yaxşı yaz həyəti” müsabiqəsi keçirilmişdir. Layihə zamanı seçilmiş iştrakçı-məktəblər pedaqoji kolektivin, şagirdlərin və tələbə-könüllülərinin iştirakı ilə təhsil müəssisəsinin həyətyani sahəsinin təmizlənməsini, səliqəli yaşıllığın salınmasını, ağaclarının gövdələrinin əhənglənməsini həyata keçiriblər. Layihənin sonunda alınmış mənzərə muqayisə edilib Təhsil Nazirliyi və IDEA İctimai Birliyi tərəfindən layihənin qalibləri müəyyən edilmişdir.
Bugün həmin qalib təhsil müəssisələrinin rəhbərləri Təhsil Nazirliyinin və İDEA İctimai Birliyinin xüsusi diplomları və dəyərli hədiyyələrlə təltif ediləcəklər.Fərəhləndirici haldır ki, tələbə-könüllülər şagirdlərlə birlikdə, ətraf mühitin qorunmasına dəstək olaraq, məktəblərdə keçirilmiş "Yaz həyəti" layihəsində şagirdlərə kömək ediblər. Layihə zamanı gülərüz və mehriban "Bir" tələbə-könüllüləri şagirdlərlə birlikdə məktəblərdə ağacəkmə, bitkilərin qayğısı, iməclik işlərinin həyata keçirilməsində və digər işlərdə könüllü olaraq fəaliyyət göstəriblər.
