Xəbərlər / Cəmiyyət
05 oktyabr 2017
4 022
Beynəlxalq Müəllimlər günü LDU-da təntənə ilə qeyd olundu.
Beynəlxalq Müəllimlər Gününə həsr olunmuş tədbiri LDU-nun rektoru vəzifəsini icra edən professor Natiq İbrahimov açıb.Universitet rəsmisi tədbir iştirakçılarını müəllim günü münasibəti ilə təbrik edərək onlara çətin və şərəfli peşələrində uğurlar arzulayıb.Müəllimlik peşəsini ən şərəfli və vacib peşə adlandıran professor Natiq İbrahimov müəllim adının bütün zamanlarda uca və müqəddəs sayıldığını bildirib və bütün müəllimləri bu adın şərəfini daima yüksəltməyə,ölkəmizin inkişafı naminə hazırlıqlı kadrlar yetişdirməyə səsləyib.LDU-nun qazandığı təhsil uğurlarında müəllimlərin əhəmiyyətli rolunu önə çəkən professor Natiq İbrahimov onların çətin əməyinin hər cür alqışa və mükafata layiq olduğunu diqqətə çatdırıb.
Sonra universitetin həyatında fəal iştirak edən ,müəllim nufuzunun keşiyində dayanan bir qrup əməkdaşa LDU-nun fəxri –fərmanları və pul mükafatları verilib.
Xatırladaq ki,5 oktyabr tarixi 1994-cü ildən YUNESKO tərəfindən Umumdünya Müəllimlər Günü kimi təsis edilib.
