Xəbərlər
02 oktyabr 2017
3 033
Dərslikdə ciddi səhv - Azərbaycan məktəbi Əfqanıstandakı kimi təqdim edilir - VİDEO
Orta məktəblər üçün 8-ci sinif İngilis dili kitabında Azərbaycan məktəbi Əfqanıstandakı kimi, Əfqanıstandakı məktəb isə Azərbaycandakı kimi göstərilib.
Xezerxeber.az-ın məlumatına görə, yeni dərsliyin 14-cü səhifəsindəki bu səhv şagirdlərdə çaşqınlıq yaradıb. Valideynlər belə səhvin dərsliklərdə öz əksini tapmasını qəbuledilməz hesab edirlər.
Dərsliyi yazan müəllif Qıztamam Quliyeva məsələ ilə bağlı "Xəzər Xəbər"ə verdiyi açıqlamada bildirib ki, həmin səhv dizayn zamanı baş verib. Onun sözlərinə görə, iki ölkə arasındakı müqayisə cədvəl şəklində daha aşağıda göstərilməli idi. Ancaq dizayn səhvindən o sözlər həmin şəklin altında yerləşib və buna görə də yanlışlığa səbəb olub. Müəllifin sözlərinə görə, artıq həmin səhv onlar tərəfindən qeydə alınıb və növbəti nəşrlərdə bu problem ortadan qaldırılacaq.
