Xəbərlər / Direktor
11 sentyabr 2017
3 760
Cəlilabad rayonunda təhsilə qan udduran direktordan növbəti ŞİKAYƏT - "Müəllimlərin öz hesabına hazırladığı sinfi sökür"
Redaksiyamıza Cəlilabad rayonu Göytəpə şəhər məktəbində baş verən özbaşınalıqla bağlı növbəti şikayət məktubu göndərilib.
Qeyd edək ki,dəfələrlə şikayətdə adı çəkilən direktor əvəzi Seymur Cəfərov haqqında müəllimlərin şikayətini işıqlandırmışıq.
Problem yenə də həll edilməyib. Növbəti şikayətin mətnini olduğu kimi təqdim edirik:
"Cəlilabad rayon Göytəpə şəhər 1 saylı tam orta məktəbin bir qrup müəllimi adından sizə yazaraq bildirmək istəyirik ki, ötən tədris ilinin sonlarından Cəlilabad rayon təhsil şöbəsi tərəfindən məktəbimizə təyin olunan direktor əvəzi Seymur Cəfərov məktəbimizi sözün əsl mənasında xarabalığa çevirməklə yanaşı, pedoqoji kollektivin əsəblərini korlayıb.
Adətən hər hansı müəssisəyə rəhbər təyin edilərkən onun savadı, yaşı, təcrübəsi və qabiliyyəti nəzərə alınır. O ki, qaldı bu müəssisə təhsil ocağı ola və orada millətin gələcəyi həll oluna. Bizə təyin olunan direktor əvəzinə isə tədris etdiyi xarici dildən anlayışı olmayan, iki cümləni bir-birinə qoşub danışa bilməyən, işlədiyi müddətdə intizamsız davranışları olan birinə 1600 nəfərə qədər şagirdi və 140 -a qədər müəllimi olan məktəbi tapşırırlar.
Cəlilabad Rayon Təhsil Şöbəsinin məktəbimizə bu təyinatı bir daha göstərdi ki, onları məktəblərdə maraqlandıran təhsil yox, öz maraqlarıdır.
Məktəbimizdə sinif otaqları çatmadığından öz vəsaitimiz hesabına qurub yaratdığımız sinifləri anormalcasına sökən direktor əvəzi, indidə ibtidai sinif şagirdlərini ikinci növbəyə yerini dəyişib. İllərdir məktəbdə yaranan nizamı pozaraq, intizam yaratdığını iddia edən direktor əvəzi nədənsə məktəbə uzun zamandır gəlməyən xadimələrə və digər texniki işçilərə göz yumur. Çünki, buradan əldə etdiyi gəliri yuxarılarla bölür və xeyir əldə edir. Seymur Cəfərovun davranışlarından dəfələrlə RTŞ-yə müraciət olunsada tədbir görülmədiyini düşünsəkdə sonradan məlum oldu ki, onlarda nəyəsə görə onu bu davranışlarından çəkindirə bilmirlər və sifətlərindəki acizanə ifadə ilə sanki xəstəxanaya ağır xəstə haqqında edilən müraciətə "Bizlik bir şey yoxdur, Bakıya qaldırın deyirlərmiş” kimi cavab verdilər. Saytınız vasitəsilə sizdən xahiş edirik səsimizi aidiyatı orqanlara çatdıraraq düşdüyümüz müşkül durumdan bizi xilas etmələri üçün kömək edəsiniz.
Hörmətlə, Vasif Cannar oğlu Əkbərov”
Xatırladaq ki, müəllimlərin şikayəti ilə bağlı direktor əvəzi Seymur Cəfərovla əlaqə saxlamışdıq. O isə sulları cavablandırmağa vaxtının olmadığını deyərək dəstəyi yerə qoymuşdu.
A24.az
