Xəbərlər / Cəmiyyət
09 sentyabr 2017
3 165
SABAH qruplarına informasiya texnologiyaları mühəndisliyi üzrə tələbə qəbulu elan olunub
SABAH qrupları 2017/2018-ci tədris ilindən etibarən Bakı Mühəndislik Universitetində 050632-İnformasiya texnologiyaları və sistemləri mühəndisliyi ixtisasının İngilis bölməsi üzrə tələbə qəbulu müsabiqəsini elan edib. Təhsil Nazirliyindən verilən xəbərə görə, müsabiqədə nazirliyin tabeliyində olan ali təhsil müəssisələrindən müvafiq ixtisas üzrə I kursda əyani formada təhsil alan, I tədris ilinin hər iki semestrinin nəticələrinə görə akademik borcu olmayan və orta müvəffəqiyyət göstəricisi (ÜOMG) 61-dən aşağı olmayan Azərbaycan vətəndaşları iştirak edə bilərlər.
Tələbələr üçün müəyyən olunmuş son qeydiyyat tarixi sentyabrın 11-dir.
