Mehdizadə və Mərdanov

Bu gün bir kitabla tanışla tanış oldum. Olduqca maraqlı və düşündürücü kitabdır.

Bəri başdan deyim ki, Ön sözü (səh.4) oxudum. Və ".... təhsilin yaxşı olması ona kimin rəhbərlik etməsi ilə birbaşa bağlıdır... " və Son sözdə (səh. 44) yazılmış: " Tarixdə qalmaq üçün, hər şeydən əvvəl, insanların qəlbində, xatirələrində yaşamaq lazımdır, bizim Mehdi müəllim kimi...” sözləri ilə tamamilə razıyam.

-Nadir müəllim İsrafilov çox sağ olun. Minnətdaram.

(P.S.

Azərbaycan Respublikası Təhsil Nazirliyinin əmri ilə Təhsil Sektorunun İnkişafı Lahiyəsi çərçivəsində Məktəb Qrant Proqramına 2004-2005 - ci tədris ilində rəhbərlik etdiyim Şirvan şəhər 11№-li tam orta məktəb qoşularaq Qrant qalibi olmuşdur. ...

Doğrusu çox vaxt müəllimin əməyi nə məktəb rəhbərliyi, nə təhsil şöbəsi, nə də Təhsil Nazirliyi tərəfindən lazımi qaydada qiymətləndirilmir. Bu yazının müəllifi Respublika pedaqoji mühazirələrində 2003-cü ildə II yer tutsada, ona III yer diplomu və xarab saat hədiyyə verdilər. Direktor işlədiyim dövrdə qrant lahiyəsi əsasında 5000 (beş min ) ABŞ dolları mükafat qazansaq da 3800 (üç min səkkiz yüz) ABŞ dolları çek şəklində məktəbə gətirə bildim. Yerdə qalan 1200 (bir min iki yüz) ABŞ dolarının hara və necə xərclənməsi, eləcə də "İlin ən yaxşı məktəbi” adını almaqla qazanılmış 10000 (on min) manat pulun aqibəti bu günə qədər müəmma olaraq qalır. Bu sətirlərin müəllifi Respublika və yerli qəzetlərdə 50 (əlli) dən çox elmi, araşdırama, tədqiqat yönümlü məqalələrin müəllifi olaraq yenə də ruhdan düşməmişdir. ...

Son illər heç şübhəsiz ki, məktəb islahatları uğurla həyata keçirilir. Lakin çox təəssüflər ki, bəzi məmurlar bu işə gəlir mənbəyi kimi baxırlar. Nəticədə əsaslı təmir olunan məktəbin damı damır, döşəməsi sökülür, qapı-pəncərəsi sınıq-salxaq olur. Məktəbə gələn avadanlıqlar satılır. Bir sözlə məktəb təlim-tərbiyə üçün yararsız olur. Digər tərəfdən "2 yazmaq olmaz, sinifdə saxlamaq qadağandır. Əgər şagird sinifdən-sinfə keçmirsə, onda pis işləyirsiniz” kimi tendensiyalar müəllimlərdə işləmək həvəsini azaldır. ....

Məmurlara uşaqların bilikləri yox, müsbət statistika lazımdır. Bütün bu hallar məktəbin, konkret halda müəllimin taleyində öz əksini tapır. Xüsusilə qeyd etmək lazımdır ki, ağır maddi vəziyyət təhsilin keyfiyyətinə heç də yaxşı təsir etmir. Müəllimlərin mənzil problemi həll olunmur.

Seyyub Asadov

Məqalə Göndər