Xəbərlər / Cəmiyyət
26 avqust 2017
4 306
8-ci sinif şagirdi özünü fındıq ağacından asdı - “Bax, Elman özünü belə asmışdı”
Qaxda intihar edən 13 yaşlı oğlanın ehtiyatsızlığın qurbanı olduğu məlum olub.
Bu barədə Əmbərçay kənd sakinləri məlumat veriblər. Onların sözlərinə görə, səkkizinci sinif şagirdi Süleyman Şəliyev fındıq bağında üçüncü sinifdə oxuyan bacısı ilə zarafat etmək istəyib. O, bacısına 8 gün öncə kənddə 28 yaşlı Elman adlı şəxsin özünü necə asmasını göstərmək istəyib və "bax, Elman özünü belə asmışdı" deyib. Bu zaman isə ip boğazına dolanıb və o, boğularaq ölüb.
Qeyd edək ki,18 avqust tarixində Əmbərçay kəndində 28 yaşlı Elman Camalov yaşadığı evin həyətyanı sahəsində yardımçı tikilidə özünü asaraq intihar etmişdi.
Faktla bağlı Qax Rayon Prokurorluğunda cinayət işi açılıb, araşdırma aparılır.
