Xəbərlər / Abituriyent
10 avqust 2017
4 285
Bu şəxslər qəbul imtahanı vermədən universitetə daxil olacaqlar
Hazırda ali təhsil müəssisələrinin bakalavriat səviyyəsində hazırlıq qruplarında tədrisin təşkililə bağlı normativ sənədlər təsdiq üçün hazırlanıb. Sənədlər təsdiq olunması üçün Nazirlər Kabinetinə göndərilib.
Bu barədə Təhsil Nazirliyindən məlumat verilib.
Nazirlikdən hazırlıq qruplarının dinləyicilərinin seçimi məsələsinə aydınlıq gətirilib: "Hazırlıq qruplarına dinləyicilər, cari ildə tələbə qəbulu imtahanlarında iştirak edib, ali təhsil müəssisələrinə daxil olmayan abituriyentlər sırasından, Dövlət İmtahan Mərkəzi tərəfindən keçirilən müsabiqə yolu ilə qəbul olunacaq”.
Qeyd edək ki, "Təhsil haqqında” Qanuna edilən dəyişikliyə görə, universitetlərin nəzdində hazırlıq kursları yaradılacaq. Ali təhsil müəssisələri və ixtisaslar üzrə bakalavriat səviyyəsində bu ödənişli hazırlıq qruplarında tədrisin sonunda keçirilən buraxılış imtahanları nəticəsində müvəffəqiyyət qazanan tələbələr ali təhsil müəssisələrinin birinci kursuna qəbul olunurlar.
