“Sertifikatlaşdırmada yüksək nəticə, şagird uğuruna birbaşa təsir edir”
“Sertifikatlaşdırmada yüksək nəticə, şagird uğuruna birbaşa təsir edir”
Sertifikasiyadan yüksək nəticə göstərən müəllimlərin şagirdləri də uğurlu olur.
AzTehsil.com xəbər verir ki, bunu ötən gün Məktəbəqədər və Ümumi Təhsil üzrə Dövlət Agentliyinin Ümumi təhsilin təşkili şöbəsinin müdir müavini Nurlan İsmayılbəyli İTV-yə müsahibəsində bildirib.
Bəzən təhsillə bağlı çox qısa müddətdə nəticələrin üzə çıxması gözlənilir:
"Amma məlum olduğu kimi, təhsil uzunmüddətli prosesdir. Müəllim ən önəmli amillərdən biri olsa da, yalnız amillərdən biridir. Burada valideynin rolu kifayət qədər mühümdür. Ümumilikdə məktəbin mühiti və təhsilalanların olduğu mühit də təhsildə mühüm rol oynayır".
Aparılan təhlillər də bu tendensiyanı təsdiqləyir:
"Biz 4-cü və 6-cı siniflər üzrə ölkə üzrə monitorinqlər həyata keçirmişik. Müəllimlərin nəticələri ilə onların şagirdlərinin nəticələri arasında düz mütənasiblik müşahidə olunur. Yəni sertifikatlaşdırmada müəllimin nəticələri nə qədər yüksəkdirsə, onların şagirdlərinin də qiymətləndirmə nəticələri bir o qədər yüksək olmuş olur".
