Qarabağ Universitetində “Milli İradənin Zəfəri” adlı tədbir KEÇİRİLİB
Qarabağ Universitetində “Milli İradənin Zəfəri” adlı tədbir keçirilib.
AzTehsil.com xəbər verir ki, tədbir Azərbaycan Respublikasının Dövlət Himninin səsləndirilməsi və şəhidlərimizin əziz xatirəsinin bir dəqiqəlik sükutla yad edilməsi ilə başlayıb.
Humanitar və sosial elmlər fakültəsinin tarix müəllimi Qulamhüseyn Məmmədov tədbirdə çıxış edərək Azərbaycanın dövlət müstəqilliyinin tarixi əhəmiyyəti, onun milli və mənəvi dəyərlər sistemindəki yeri barədə fikirlərini bölüşüb.
Tələbələrlə İş Mərkəzinin əməkdaşı Gəray Zeynallı çıxışında Zəfərdən, Ali Baş Komandanın rəhbərliyi ilə qazanılan Qələbədən, ölkəmizin suverenliyinin təmin olunmasından və müstəqilliyin dəyərindən bəhs edib.
Çıxış edənlər, həmçinin müstəqilliyin qorunması və gələcək nəsillərə ötürülməsinin zərurətini vurğulayıblar.
Tədbirin sonunda tələbələrlə sual-cavab sessiyası keçirilib və 18 Oktyabr – Müstəqilliyin Bərpası Gününə həsr olunmuş videoçarx nümayiş etdirilib.
