“Müasir metodist” layihəsində uğur qazanan müəllimlərlə GÖRÜŞ
AzTehsil.com xəbər verir ki, Qazax-Tovuz Regional Təhsil İdarəsinində “Müasir metodist” layihəsində uğur qazanaraq ümumtəhsil müəssisələrinə təyin olunmuş müəllimlərlə görüş keçirilib.
Görüşdə Qazax-Tovuz Regional Təhsil İdarəsinin müdiri Vüqar Dadaşov, tədrisin keyfiyyəti sektorunun müdiri İbrahim Həsənov və layihədə uğur qazanmış müəllimlər iştirak ediblər.
Görüş zamanı metodistlərin təhsil prosesindəki rolu, məktəblərin inkişafına və tədrisin keyfiyyətinin yüksəldilməsinə töhfələri barədə geniş müzakirələr aparılıb. Metodistlərin fəaliyyəti müəllimlərin peşəkar inkişafına dəstək vermək, dərs prosesinin səmərəliliyini artırmaq, təlim ehtiyaclarını müəyyənləşdirmək və qabaqcıl pedaqoji təcrübələrin paylaşılmasını təmin etmək məqsədi daşıyır.
Sonda İdarə müdiri metodistlərə yeni vəzifələrində uğurlar və səmərəli fəaliyyət arzulayıb.
