Xəbərlər / Müəllim
20 iyul 2017
14 091
Keçiriləcək DQ-də və MİQ-də bu qəbildən olan müəllimlərin iştirakına icazə verilməyəcək
Aztehsil.com a24.az-a istinadən müəllimlərin işə qəbulundan (MİQ) kənarlar və saxta diplomlularla bağlı məlumatı oxucularının nəzərinə çatdırır.
MİQ-dən kənarlarla bağlı
2013-cü ildən bu yana MİQ-də iştirak edərək hazırki iş yeri üçün keçid balını toplayan, lakin MİQ-dən kənar yolla işə qəbul edilmiş müəllimlərin daimiləşməsi əmrləri gələn həftə Təhsil Nazirliyi tərəfindən müəyyən yerlərə göndəriləcəkdir.
2013-dən bu yana MİQ-də keçid balını toplamayan və ya iştirak etməyən müəllimlər, köçürmə yolu ilə gələnlər MİQ-də iştirak edəcəklər. Keçid balını topladıqları halda, hazırki iş yerləri üzrə onlarla müddətli əmək müqaviləsi bağlanılacaq. Tədris ilinin sonunda fəaliyyətləri müsbət qiymətləndiriləcəyi halda, onlarla əmək müqaviləsi daimiləşəcək.
Saxta diplomlularla bağlı diaqnostik qiymətləndirmə zamanı dövlət nümunəli diplomu olmadığı müəyyənləşdirilmiş müəllimlər maksimum 6 saatadək dərs verilməklə öz yerlərində saxlanılırlar.
2015-ci ildə DQ-də iştirak etmiş və yüksək nəticə göstərmiş bu qəbildən olan müəllimlərə isə bir qədər artıq dərs saatı veriləcək.
Keçiriləcək DQ-də və MİQ-də bu qəbildən olan müəllimlərin iştirakına icazə verilməyəcəkdir.
Bu qəbildən olan müəllimlərlə bağlı yekun qərar bütün hüquqi prosedurlar tamamlandıqdan sonra veriləcəkdir.
