Xəbərlər / Abituriyent
13 iyul 2017
3 124
Təhsil eksperi sabahkı imtahanda abituriyentlərə bir sıra məsləhətlər verdi
Abituriyentlər imtahana az qalmış həyəcan və stresə düşürlər. Bəzən özlərindən əmin olduqları üçün bu stres daha da artır və təəssüf ki, qəbul imtahanında uğursuzluğa düçar olur. Abituriyent öz savadından, uğurundan əmin olmalı və özünə inanmalıdır.
Aztehsil.com xəbər verir ki, təhsil eksperti Pərviz Ağalarov abituriyentlərə bu çətinliklərin öhdəsindən gəlmək üçün 8 məsləhər verib:
1. İmtahana sərbəst gedin, unutmayın, dünya 2012-ci il, 21 dekabrda dağılmadısa, hər hansı uğursuzluq olsa belə, həyat davam edəcək.
2. Heç bir halda cavab kartlarınızı kiməsə etibar etməyin.
3. Heç kimə düzgün cavab deməyin, unutmayın, siz rəqibsiniz.
4. Test suallarını diqqətlə oxuyun, tələsməyin.
5. Yaxşı bildiyiniz fənndən başlayın.
6. Bilmədiyiniz və şübhəli qaldığınız suallar üzərində baş sındırmayın ("vaxt qızıldır”, sonra bu suallara qayıdarsınız).
7. Sürüşdürmələrə yol verməmək və vaxt qazanmaq üçün tapdığınız, düzgün hesab etdiyiniz variantı sual nömrəsinin yanında böyük hərflə qeyd edin.
8. Kodlaşdırmada diqqətli olun, ümumiyyətlə, diqqət və məsuliyyət uğurlarınızın açarı olacaq.
cebhe.info
![]Fikrin təhrik edilməsi qaydaları:](/uploads/posts/2016-05/thumbs/1464592525_0c0128369debb480b37e508e9338c100.jpg)
