Xəbərlər
09 iyul 2017
7 570
Saxta diplomla işləyən qadın ilin müəllimi seçildi
19 il saxta diplomla müəllimlik edən qadın dövlətdən aldığı maaşları faizilə ödəyəcək.
"A24.az” bildirir ki, məlum hadisə Türkiyənin Trabzon şəhərində qeydə alınıb. Özünü Ankara Universitetinin məzunu kimi təqdim etmiş Rukiye G.S. adlı qadının diplomunun saxta olduğu üzə çıxıb.
"Müəllimə” barəsində 4 il 12 ay müddətinə azadlıqdan məhrumedilmə cəzası istənilsə də, bu tələb qəbul edilməyib və onun 2005-2016-cı illər arasında dövlətdən aldığı əməkhaqqı araşdırılaraq məhkəməyə təqdim olunub. Belə ki, bu illər ərzində o, dövlətdən aldığı 330 min 578 lirəni (təxminən 166 min manat) faizi ilə geri ödəyəcək.
Qeyd edək ki, Türkiyə Təhsil Nazirliyi tərəfindən 2005-ci ildə ilin müəllimi seçilən qadın 1 ildən sonra təqaüdə çıxacaqmış.
