Xəbərlər
22 iyun 2017
3 568
“Magistr” jurnalının beşinci nömrəsi çapdan çıxıb
Aztehsil.com AMEA-nın rəsmi saytına istinadən xəbər verir ki, Dövlət İmtahan Mərkəzi (DİM) "Magistr” jurnalının 5-ci nömrəsini nəşr etdirib.
Jurnalın bu nömrəsində 2017/2018-ci tədris ili üçün Azərbaycan Respublikasının ali təhsil müəssisələrinin və Azərbaycan Milli Elmlər Akademiyasının magistraturalarına qəbul olanların siyahısı, ixtisaslaşmalar üzrə minimal keçid balları, o cümlədən dövlət sifarişi üzrə müsabiqə nəticəsində formalaşmış keçid balları və digər zəruri məlumatlar dərc olunub.
Bakalavrların nəzərinə çatdırılır ki, magistr proqramları (ixtisaslaşmaları) üzrə boş qalan yerlərin siyahısı və həmin yerlərin müsabiqəsində iştirak etmək üçün elektron ixtisas seçimi haqqında elan avqust ayında DİM-in İnternet saytında və "Magistr” jurnalının növbəti nömrəsində təqdim ediləcək.
