Xəbərlər
22 iyun 2017
2 830
Nobelçi alimdən cahilliyi müsəlmanlıqla bağlayanlara sillə kimi cavab...
Nobel mükafatlı Türk alim, Professor Əziz Sancar nə az, nə çox düz bir həftə ölkəmizdə qonaq oldu, müxtəlif görüşlər keçirdi. İştirak etdiyi hər görüşdə verilən suallara cavablarında, çıxışları zamanı səsləndirdiyi fikirlərdə elmə, inkişafla, tərəqqiylə bağlı söylədikləri hər kəs tərəfindən maraqla qarşılandı, dəyərli hesab edildi.
Nobel mükafatlı alim Əziz Sancar Azərbaycan gənclərinə, həmçinin, qızıldan qiymətli məsləhətlər verdi. Türkiyənin Bakıdakı səfirliyində təşkil olunmuş tədbirdə çıxışı zamanı tələbələrə siyasətlə yox, elmlə məşğul olmalarını və siqaret çəkməmələrini tövsiyə etdi.
Dünyaca məşhur alimə verilən sualların içində daha biri maraqlı və yaddaqalan olub.
Tələbələrdən biri Əziz Sancardan dinlə elm arasındakı əlaqəni soruşub. Nobel mükafatçısının tələbəyə verdiyi cavab isə çox maraqla qarşılanıb:
"Mən Müsəlmanam və Müsəlman olduğumu da hər yerdə deyirəm. Müsəlman olmağımla qürur duyuram. Təkamüllə bağlı mübahisələr məni çox kədərləndirdi. Mən Allaha inanıram. Təkamülün olub-olmaması fərq etməz".
Düşünür ki, dünyaca məşhur, dəyərli bir mükafatın sahibi olan müsəlman alimin bu tarixi fikri eyni zamanda cahilliyi, elmsizliyi, savadsızlığı, geridəqalmışlığı müsəlmanlıqla əlaqələndirənlərə sillə kimi tutarlı bir cavab olub.
moderator.az
