Xəbərlər
20 iyun 2017
3 896
Azərbaycanın şəhər məktəblərində qadın, kənd məktəblərində isə kişi müəllimlər üstünlük təşkil edir
”Hazırda Azərbaycanın şəhər məktəblərində qadın, kənd məktəblərində isə kişi müəllimlər üstünlük təşkil edir”.
Aztehsil.com apa-ya istinadən xəbər verir ki, bunu Təhsil Nazirliyinin İnsan resursları şöbəsinin müdir müavini Eşqi Bağırov deyib. O bildirib ki, bu vəziyyət illər öncə vətəndaşların aldıqları təhsillə əlaqədardır. Ümumilikdə ölkə üzrə müəllimlərin sayı baxımından gender balansında qadınların rolu və sayı daha yüksəkdir.
E. Bağırov qeyd edib ki, bu ildən müəllimlərin yerdəyişməsi və işə qəbulu müsabiqəsində gender balansının pozulması məsələsinə də yer ver verilib: "Məsələn, müəllimlərin yerdəyişməsi və işə qəbulu üzrə müsabiqədə əgər bir məktəbin gender balansı pozulubsa və müəllimlərin hamısı qadındırsa, o zaman vakant yerləri seçənlər arasında kişilər olursa, onları həmin məktəblərə göndəririk”.
Nazirliyin İctimaiyyətlə əlaqələr sektorunun müdiri Cəsarət Valehov isə gender balansı ilə bağlı tendensiyanın son 3-4 il ərzində müsbətə doğru dəyişdiyini söyləyib. Onun sözlərinə görə, artıq müəllimlərin işə qəbulu üzrə müsabiqəyə müəyyən sayda kişi namizəd də sənəd verir. C. Vallehov qeyd edib ki, əgər bu tendensiya əvvəllər 90%-dən yuxarı idisə, son illər bu rəqəmlər müsbət istiqamətdə dəyişir və kişilər də müsabiqədə iştirak edir.
