Məktəblərdə “Son zəng” tədbirləri keçirilib
AzTehsil.com xəbər verir ki, 14 iyun 2025-ci il tarixində Quba-Xaçmaz Regional Təhsil İdarəsinin tabeliyində fəaliyyət göstərən Xaçmaz şəhəri Cəfər Cəbbarlı adına 6 nömrəli tam orta ümumtəhsil məktəbində “Son zəng” tədbiri keçirilmişdir.Tədbirdə Azərbaycan Respublikasının Elm və Təhsil Nazirliyinin Strateji planlaşdırma və icraya nəzarət şöbəsinin müdiri Leyla Xəlilova Rzazadə, Xaçmaz Rayon İcra Hakimiyyətinin başçısı Elnur Rzayev və Quba-Xaçmaz Regional Təhsil İdarəsinin müdiri Coşqun Əliyev iştirak etmişlər.Bununla yanaşı, Quba-Xaçmaz Regional Təhsil İdarəsinin tabeliyində fəaliyyət göstərən Şabran şəhəri Roman Yusifov adına 2 nömrəli tam orta məktəb-liseydə təşkil olunmuş “Son zəng” tədbirində Azərbaycan Respublikası Təhsil İnstitutunun direktor müavini İlham Cavadov, Şabran Rayon İcra Hakimiyyətinin başçısı Asif Hüseynov və Quba-Xaçmaz Regional Təhsil İdarəsinin müdir müavini Pərvin Ağasiyev iştirak etmişlər.Qeyd edək ki, Quba-Xaçmaz Regional Təhsil İdarəsinin tabeliyində fəaliyyət göstərən digər ümumi təhsil müəssisələrində də “Son zəng” tədbirləri qeyd olunmuşdur.
