Xəbərlər
12 iyun 2017
2 858
Nə qədər şagirdin məktəbi bitirəcəyi və 1-ci sinfə daxil olacağı bəlli olub..
İyunun 14-də orta məktəblərdə "Son zəng” çalınacaq.
Təhsi Nazirliyindən verilən məlumata görə, nə qədər şagirdin məktəbi bitirməsi və məktəbə daxil olacağı bəlli olub.
Belə ki, 2016-2017-ci tədris ilinin sonuna olan proqnoz üzrə respublikanın ümumtəhsil məktəblərinin IX siniflərini 110 638 nəfər, XI siniflərini 84 088 nəfər, qiyabi (axşam) ümumtəhsil məktəblərini isə 723 nəfər şagirdin bitirəcəyi gözlənilir.
2017-2018-ci tədris ilinin əvvəlinə 164 945 nəfərin I siniflərə qəbulu gözlənilir.
Məktəbəhazırlıq qruplarında təhsil alan uşaqların da səviyyəsi bəlli olub.
Bildirilir ki, hazırda ölkədə 5 yaşlı uşaqların məktəbəqədər təhsillə əhatə səviyyəsi üzrə göstərici 55 faizdir.
"Azərbaycan Respublikasında təhsilin inkişafı üzrə Dövlət Strategiyası”nda 2020-ci ilədək uşaqların məktəbəhazırlıqla əhatəsinin 90 faizə çatdırılması strateji hədəf kimi irəli sürülüb.
modern.az
