Sertifikasiya iyunda keçiriləcək? - Rəsmi CAVAB
Sertifikasiya imtahanı demək olar ki, yay aylarında xüsusilə də iyunda keçirilir. Bu il hansı fənlər üzrə sertifikasiyanın təşkil edilməsinin gec açıqlanmasından dolayı bəzi müəllimlər düşünürlər ki, yəqin ki, imtahan iyunda baş tutmayacaq.
Bəs görəsən, sertifikasiya imtahanı həmişəki qaydaya uyğun olaraq iyunda keçirilməsi planlaşdırılır?
AzTehsil.com xəbər verir ki, mövzu ilə bağlı ARTİ-nin nəzdində İnsan Resursları Mərkəzinə sorğu ünvanlayıb.
Mərkəzdən sorğumuza cavab olaraq bildirilib ki, “Dövlət ümumi təhsil müəssisələrində (ümumi təhsil üzrə təhsilverənlərə münasibətdə digər dövlət təhsil müəssisələrində) işləyən təhsilverənlərin sertifikatlaşdırma Qaydası”na əsasən, Sertifikatlaşdırmanın keçirilməsinə ən azı 1 (bir) ay qalmış onun vaxtı və yeri barədə bildiriş “Şəxsi kabinet”ə göndərilir.
