Xəbərlər
05 iyun 2017
3 557
“Bədən tərbiyəsi və idman” ixtisası üzrə ödənişsiz sınaq imtahanları keçiriləcək
2017/2018-ci tədris ili üçün Azərbaycan Dövlət Bədən Tərbiyəsi və İdman Akademiyasın tərəfindən tələbə qəbulu ilə bağlı bu gündən başlayaraq xüsusi qabiliyyət tələb edən "Bədən tərbiyəsi və idman” ixtisası üzrə sınaq imtahanları keçirilir.
Dövlət İmtahan Mərkəzindən verilən xəbərə görə, sınaq imtahanları İdman Akademiyasının stadion kompleksində və gimnastika zalında keçirilir, imtahanlar iyunun 20-dək davam edəcək, saat 10:00-dan 17:00-dək baş tutacaq.
Sınaq imtahanları abituriyentlər üçün ödənişsizdir. Sınaq imtahanları zamanı abituriyentlər Akademiyanın Atletika və Gimnastika kafedralarının mütəxəssisləri tərəfindən metodiki tövsiyələr, məsləhətlər ala biləcəklər.
Abituriyentlər imtahan normativləri ilə Dövlət imtahan Mərkəzi tərəfindən hazırlanmış xüsusi qabiliyyət tələb edən ixtisaslara qəbul olmaq istəyənlər üçün "Abituriyent” jurnalının xüsusi buraxılışı olan vəsaitlərdə tanış ola bilərlər.
aztehsil.com
