Xəbərlər
02 iyun 2017
5 116
Bakıda əsaslı təmir olunan məktəblərin siyahısı açıqlanıb
Növbəti tədris ili üçün Bakıda əsaslı təmir olunan məktəblərin siyahısı açıqlanıb. Aztehsil.com apa-ya istinadən xəbər verir ki, Bakı Şəhəri üzrə Təhsil İdarəsinin müdiri Məhəbbət Vəliyeva bildirib ki, cari tədirs ili başa çatmamış növbəti tədris ili ilə bağlı işlər planlaşdırılır, buna hazırlıq işləri gedir. Bu gün Bakının bəzi ərazilərində yerləşən məktəblərdə əsaslı təmir işlərinin aparıldığını deyən idarə müdiri qeyd edib ki, belə məktəblərin sayı az deyil: "Nizami rayonunda 3 məktəbdə (10, 62 və 201 nömrəli məktəblərdə), Xətai rayonunda 171 nömrəli məktəb, Nərimanov rayonunda 212 nömrəli məkətb, Binəqədi rayonu 306 nömrəli məktəbdə, Sabunçu rayonunda 74 nömrəli məktəb, Səbail rayonunda 239 nömrəli məktəb, Yasamal rayonunda 20 nömrəli məktəb və Nəsimi rayonunda 268 nömrəli xüsusi məktəbdə hazırda əsaslı təmir işləri gedir. Bu məktəblərin bir qismində təmir müvəqqəti olaraq dayandırılsa da, ümid edirik ki, tədris ilinin əvvəlində məktəblərdə təmir işləri başa çatacaq. Ötən illərdə olduğu kimi məktəblər ən müasir tələblərə cavab verəcək, yüksək təhsil xidməti göstərə biləcək səviyyədə şagirdlərin və müəllimlərin ixtiyarına veriləcək.
