11-ci sinif şagirdinin ana olduğu məktəbin direktoru işdən çıxarıldı
Salyan rayon Pambıqkənd kənd Azad İbadov adına tam orta məktəbin direktoru Dilbər Qurbanova işdən çıxarılıb.
Oxu.Az xəbər verir ki, bununla bağlı Şirvan-Salyan Regional Təhsil İdarəsi məlumat yayıb.
Bildirilib ki, Məktəbəqədər və Ümumi Təhsil üzrə Dövlət Agentliyinin direktorunun müvafiq əmrinə əsasən, Dilbər Qurbanova 27 mart 2024-cü il tarixindən tutduğu vəzifədən azad edilib.
Belə ki, Şirvan-Salyan Regional Təhsil İdarəsinin əməkdaşları tərəfindən 28 fevral 2024-cü ildə Salyan rayon Pambıqkənd kənd Azad İbadov adına tam orta məktəbdə müxtəlif istiqamət üzrə yoxlama aparılıb.
Yoxlama zamanı məktəbin idarəolunması, şagirdlərin məktəbə davamiyyəti, əmək intizamı, dərslərin əvəzolunması, dərsdənkənar məşğələlərin və dərnəklərin təşkili və keçirilməsi, fərdi təhsilin təşkili, həmçinin sağlamlıq imkanları məhdud uşaqlar üçün evdə təhsilin təşkili ilə bağlı nöqsan və çatışmazlıqlar aşkar olunub.
Məsələyə hüquqi qiymət verilməsi üçün hüquq-mühafizə orqanlarına müraciət olunub.
Xatırladaq ki, Salyan rayon Pambıqkənd tam orta məktəbində şagirdlər arasında erkən nikah halları qeydə alınıb. Məktəbin 11-ci sinif şagirdlərindən biri uşaq dünyaya gətirib və buna baxmayaraq şagirdin davamiyyətinin yaxşı olduğu qeyd olunub. Bundan başqa, Pambıqkənd məktəbin yuxarı siniflərində təhsil alan qızlar nişanlı olduqları üçün dərsə gəlməsələr də, jurnalda adları qeyd olunub və qiymətləri yazılıb.
Sözügedən məktəbdə erkən nikah hallının qeydə alınması və digər hallarla bağlı məsələ ərazi üzrə polis orqanı tərəfindən nəzarətə götürülmüşdü.
Sağlamlıq imkanları məhdud şəxslərin təhsili (xüsusi təhsil) haqqında AZƏRBAYCAN RESPUBLİKASININ QANUNU
Sual:Evdə təhsil necə təşkil olunur?
Təhsil Nazirliyinin ƏSASNAMƏSİ
Sağlamlıq imkanları məhdud şəxslərin təhsili (xüsusi təhsil) HAQQINDA
Ən çox soruşulan 34 SUALA CAVABLAR....
Ümumtəhsil müəssisələrində işəgötürənlə pedaqoji işçilər arasında əmək müqaviləsinin bağlanmasına dair T Ö V S İ Y Ə L Ə R
"Məcburi köçkün məktəblərinə yerdəyişmə avqustun 26-dan etibarən mümkün olacaq"
Ümumtəhsil məktəbinin direktorunun əmək funksiyaları, hüquq və vəzifələri
“Təhsil sahəsinə aid olan qulluqçu vəzifələrinin Vahid Tarif-İxtisas Sorğu Kitabçası” 2017
Sağlamlıq imkanları məhdud şəxslərin təhsili (xüsusi təhsil) - onların hüquq və vəzifələri
Əmək Pensiyası ilə bağlı 25 SUAL - 25 CAVAB
Məktəb direktorunun əmək funksiyaları, hüquq və vəzifələri
Məktəb həkiminin işi haqqında təlimat
Təhsil müəssisələrinin tikintisinə dair vahid normalar -1.Məktəbəqədər təhsil müəssisələri
Azərbaycanda 40 min uşaq təhsil ala bilmir - Əlilliyi olan şəxslər harada oxumalıdır?
Paytaxt təhsili 2021-ci təqvim ilində
Azərbaycan Respublikasında təhsilin inkişafı üzrə Dövlət Strategiyası
Bakı təhsili: təqvim ilinin təhsil mənzərəsi
Stasionar şəraitdə təhsilin təşkili QAYDALARI
İşçilərin əmək kitabçasının forması və onun tərtibi qaydalarının təsdiq edilməsi barədə NK-nın 186 saylı QƏRARI
Əmək Məcəlləsindən çıxarış Əmək normaları, əməyin ödənİlməsi normaları, qaydaları və təminatları
Əmək müqaviləsinin bağlamnması , məzmunu, forması , müddəti
Əmək sahəsindəki hüquq münasibətlərinin anlayışı və sistemi
Ümumtəhsil məktəbləri üçün müəssisədaxili nümunəvi intizam qaydaları