Xəbərlər
01 iyun 2017
3 002
Məleykə Abbaszadə Daşkəsən rayonunda vətəndaşları qəbul edəcək
Daşkəsən rayonunda keçiriləcək qəbulda Gəncə, Daşkəsən, Samux, Göygöl, Gədəbəy rayon sakinləri və bu rayonlarda məskunlaşmış qaçqın və məcburi köçkünlər iştirak edə bilərlər.
Aztehsil.com xəbər verir ki, qəbul iyun ayının 8-də saat 10:00-da Daşkəsən rayon H.Əliyev Mərkəzində (ünvan: Daşkəsən şəhər, H.Əliyev meydanı) keçiriləcəkdir.
Qəbula gəlmək istəyən vətəndaşların Dövlət İmtahan Mərkəzinin internet saytına daxil olaraq elektron müraciət formasını doldurmaqla qeydiyyatdan keçmələri (http://eservices.dim.gov.az/sedrinqebulu/) və ya DİM-in Gəncə Regional Bölməsinə (ünvan: Gəncə şəhəri, H.Əliyev meydanı, inzibati bina ) müraciət etmələri (əlaqə tel.: (0222) 56-50-67) xahiş olunur.
Bundan əlavə, görüşdə iştirak etmək istəyənlər Daşkəsən, Samux, Göygöl, Gədəbəy rayon Təhsil Şöbələrində də 2017-ci il 01-07 iyun tarixlərində (şənbə, bazar günləri istisna olmaqla) saat 10:00-dan 17:00-dək qeydiyyat keçə bilərlər.
Qeyd: Qəbula gələn vətəndaşlar şəxsiyyət vəsiqəsini təqdim etməlidirlər.
