Xəbərlər
30 may 2017
3 181
Astarada 24 yaşlı gənci bıçaqlayan məktəbli saxlanılıb - YENİLƏNİB-1
Astarada 24 yaşlı gənci bıçaqlayan şəxs saxlanılıb.
APA-nın cənub bürosunun verdiyi məlumata görə, hadisəni törətməkdə Astara sakini, 16 yaşlı Əli Məmmədzadə şübhəli bilinir.
Ə. Məmmədzadə Astara Dənizkənarı Park Bulvarda ofisiant işləyən Murad Qulamzadə ilə mübahisə edib. Ə. Məmmədzadə üzərində gəzdirdiyi bıçaqla ona bir neçə zərbə endirib.
Astara Rayon Polis Şöbəsinin əməkdaşları 16 yaşlı məktəblini "isti izlər”lə saxlayıblar.
Faktla bağlı araşdırma aparılır.
*** 15.21
Astarada 24 yaşlı gənc bıçaqlanıb.
Aztehsil.com xəbər verir ki, APA-nın cənub bürosunun verdiyi məlumata görə, hadisə Astara şəhərində baş verib.
Xəsarət alan Astara sakini, 1993-cü il təvəllüdlü Murad Fazil oğlu Quluzadə xəstəxanada əməliyyat olunub, vəziyyətinin orta-ağır olduğu deyilir.
Faktla bağlı araşdırma aparılır.
*** 15.16
Astarada bıçaqlanma hadisəsi baş verib.
APA-nın cənub bürosunun verdiyi məlumata görə, bıçaq xəsarəti alan şəxs Lənkəran rayon mərkəzi xəstəxanasına yerləşdirilib.
25-30 yaşlı kişinin Astara sakini olduğu bildirilir. O, çoxlu qan itirdiyindən dərhal cərrahiyyə şöbəsinə əməliyyat yerləşdirilib.
Faktla bağlı araşdırma aparılır.
