14 yaşlı məktəblinin öldürülməsinə görə daha iki nəfər həbs edilib
Gürcüstanda 14 yaşlı azərbaycanlı Aytac Şahmarovanın qətlə yetirilməsi ilə əlaqədar daha 2 nəfər həbs edilib.
APA-nın Tbilisi müxbiri xəbər verir ki, məlumatı Gürcüstan Daxili İşlər Nazirliyi (DİN) yayıb.
Bildirilib ki, DİN-in Kaxeti Polis Şöbəsinin əməkdaşlarının həyata keçirdiyi əməliyyat-istintaq tədbirləri nəticəsində Saqareco bələdiyyəsinin Ləmbəli kəndində Aytac Şahmarovanı qətlə yetirməkdə təqsirli bilinən “əri” Alim Sadiqovun əmisi 1972-ci il təvəllüdlü A.A. və 1997-ci il təvəllüdlü əmisi oğlu B.A. cinayət barədə məlumat verməmək ittihamı ilə həbs ediliblər. Bildirilib ki, Alim Sadiqov 2009-cu il təvəllüdlü Aytac Şahmarovanı qanunsuz evlənmək məqsədilə azadlıqdan qanunsuz məhrum edib (qaçırıb) və onu əmisi A.A.-nın evinə gətirib.
Polis əməkdaşlarının istintaq və prosessual hərəkətlərinin icrası nəticəsində hakim A.A və B.A-nın təqsirləndirilən şəxs qismində həbsinə qərar verib.
Aytac Şahmarovanın təhsil aldığı Dmanisi bələdiyyəsinin Yuxarı Qarabulaq kənd məktəbinin direktoru Hamlet İsmayılov da yerli resurs mərkəzində (təhsil şöbəsi – red.) dindirilib. Yerli KİV-in məlumatına görə, dindirmə zamanı onun halı pisləşib və klinikaya aparılıb.
Bununla belə, o, klinikaya aparılarkən Aytacın qaçırılmasından xəbərsiz olduğunu deyib:
“Oktyabrın 5-də Aytacın anası gəlib mənə dedi ki, qızım 2 gün sonra məktəbə gələcək. O, mənə qızın qaçırıldığını deməyib”, – direktor bildirib.
Aytac Şahmarovanın atası İsa Şahmarov da Rustavi Şəhər Məhkəməsinə çağırılıb. İsa Şahmarov baş verənlərlə bağlı məlumatlı olmadığı üçün zərərçəkmişin varisi kimi tanınılıb. Məlumata görə, qətlə yetirilən azyaşlının valideynləri 7 il əvvəl boşanıblar. İsa Şahmarov bu müddət ərzində Polşa və Rusiyada yaşayıb.
Ailə üzvləri İsa Şahmarovun qızının məcburi ərə verilməsindən xəbərsiz olduğunu bildiriblər. Qeyd olunub ki, qətllə bağlı İsa Şahmarovun qardaşı mediadan xəbər tutub və daha sonra ona zəng edərək xəbər verib. Bundan sonra İsa Şahmarov Gürcüstana gəlib.
Xatırladaq ki, qətl oktyabrın 5-də baş verib.
Bir sıra hərbi qulluqçulara orden verdildi – SİYAHI
KİŞİNİN HƏYAT YOLDAŞINDA BƏYƏNDİYİ 98 KEYFİYYƏT
Biz sizinlə fəxr edirik
Gürcüstan Tbilisi Dövlət Universiteti Milli Elmi Kitabxanasının təmsilçiləri AMEA Mərkəzi Elmi Kitabxanasını ziyarət ediblər
Azərbaycanda Tanınan Gürcüstan Universitetlərinin Siyahısı
Uşaq hüquqlarının həyata keçirilməsinə dövlət nəzarəti QAYDASI
Bu tələbələrə Prezident təqaüdü veriləcək - SİYAHI
Bu tələbələr Prezident təqaüdü alacaq - Siyahı
Müəmmalı qətlin məhkəməsi: Şahidlər Nərmini İlkinin öldürdüyünə İNANMIRLAR
Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib
Özünü təhsil eksperti kimi təqdim edən müəllim ifşa edildi
Tovuzda qətlə yetirilən 10 yaşlı Nərminin həmyaşıdı olan əmisi oğlu məhkəmədə ifadə verib
Qətlə yetirilən Nərmin Quliyevanı son görən şəxslərdən biri məhkəmədə dindirildi
Uşaq hüquqları haqqında Azərbaycan Respublikasının Qanunu
Azərbaycanda saxta diplom hazırlayan şəxslər SAXLANILDI-Bu universitetdə
“MƏKTƏBLİNİN DOSTU” Azərbaycanda inqilabdır
Con Steynbekin “Xrizantemlər” hekayəsi və gender bərabərliyi
Ucarda iki məktəbli qızı maşına mindirdilər və...
"İndi bildinizmi Azərbaycan təhsilindəki neqativ hallar haradan qaynaqlanır?"
Təhsil naziri Balakənin ucqar kəndində yeni inşa edilmiş məktəb binasında yaradılan şəraitlə tanış olub
Təhsil Nazirliyinin ƏSASNAMƏSİ
Şamaxıda direktor müavinindən dəhşətli cinayət - 15 yaşlı şagirdini...
Nərminin qətlində şübhəli bilinən şəxsin HƏBSİ UZADILDI
“Toyda siyahı yazmaq İlkinə tapşırılmışdı, gecə 1-də...” - Nərmin işində qalmaqallı ifadə