Doktorantura və dissertanturaya qəbulun nəticələri açıqlandı
Dövlət İmtahan Mərkəzi (DİM) doktorantura və dissertantura səviyyəsində xarici dildən qəbul imtahanı və fəlsəfə doktoru imtahanlarının nəticələrini açıqlayıb.
İyunun 11-də doktorantura və dissertantura səviyyəsində xarici dildən qəbul və fəlsəfə doktoru imtahanları, iyunun 12-də isə əcnəbi və vətəndaşlığı olmayan iddiaçılar üçün Azərbaycan dili üzrə fəlsəfə doktoru imtahanı keçirilib.
Həmçinin 16-19 iyun tarixlərində namizəd və iddiaçıların danışıq bacarıqlarının yoxlanılması üzrə də imtahanlar keçirilib.
İmtahan iştirakçıları nəticələr, cavab kartı və yazı işlərinin (esse və vizual məlumatın təsviri) qrafik təsviri ilə DİM-in internet saytında tanış ola bilərlər.
İştirakçılar imtahanın nəticələri haqqında məlumatı mobil operatorlar (Azercell, Bakcell, Nar, Naxtel) vasitəsilə iş nömrələrini 7727 nömrəsinə göndərməklə də öyrənə bilərlər.
İmtahanlarda 2 328 namizəd və iddiaçı (1841 nəfər doktoranturaya qəbul, 483 nəfər fəlsəfə doktoru, 4 nəfər isə Azərbaycan dili imtahanında) iştirak edib. 49 nəfər imtahana gəlməyib.
Doktorantura və dissertanturaya qəbul imtahanının nəticələrinə əsasən, 979 nəfər tələb olunan şərtləri ödəyərək fəlsəfə imtahanına buraxılıb.
150 nəfər xarici dil üzrə fəlsəfə doktoru imtahanı üçün müəyyən edilmiş şərtləri ödəyib.
3 əcnəbi iddiaçı Azərbaycan dili üzrə fəlsəfə doktoru imtahanı üçün müəyyən edilmiş şərtləri ödəyib.
Xatırladaq ki, bundan əlavə, DİM-ə xarici dil üzrə qüvvədə olan müvafiq beynəlxalq dil sertifikatını təqdim etmiş 163 nəfər namizəd xarici dil imtahanından azad olunub.
Qeyd edək ki, həm xarici dil üzrə qəbul və fəlsəfə doktoru imtahanlarında, həm də əcnəbi və vətəndaşlığı olmayan iddiaçılar üçün Azərbaycan dili üzrə fəlsəfə doktoru imtahanında namizədlərin və iddiaçıların 30 test tapşırığının hər birinə düzgün cavabı bir balla qiymətləndirilir, səhv cavablar düzgün cavabların nəticəsinə təsir göstərmir. Yazı və danışıq blokunun hər biri üzrə tapşırıqlar ümumilikdə 10 ballıq şkala ilə qiymətləndirilir. Beləliklə, imtahanda toplanıla biləcək maksimal bal 50-yə bərabərdir. Ümumilikdə xarici dil üzrə qəbul imtahanında minimum 25 bal, fəlsəfə doktoru imtahanında isə azı 30 bal toplamış iddiaçılar, habelə əcnəbilər üçün Azərbaycan dili üzrə fəlsəfə doktoru imtahanında azı 25 bal toplamış iddiaçılar imtahanın nəticəsinə qoyulan tələbi ödəmək üçün bununla yanaşı dinləyib-anlama, oxuyub-anlama, dildən istifadə (leksik-qrammatik tapşırıqlar), yazı və danışıq blokları üzrə balların minimum 20 faizini toplamalıdırlar.
İmtahan nəticələri ilə bağlı müraciətlərə baxılması üçün DİM tərəfindən 11 iyul 2023‑cü il tarixindən etibarən onlayn (telefon əlaqəsi vasitəsilə) apellyasiya prosesi təşkil ediləcək.
Apellyasiya komissiyasına müraciət etmək istəyənlər 2023-cü il 6 iyul saat 12:00-dan 8 iyul saat 17:00-dək DİM-in internet saytında yerləşdiriləcək elektron ərizəni doldurmaqla qeydiyyatdan keçə bilərlər. Göstərilən müddət ərzində qeydiyyatdan keçməyənlər sonradan apellyasiya üçün müraciət edə bilməyəcəklər.
Bir namizədin ərizəsi (müraciəti) üzrə ən çoxu 15 dəqiqə müzakirə aparıla bilər. Ayrılan vaxt bitdikdə, kənar şəxs müzakirəyə qoşulduqda və ya etik davranış qaydaları pozulduqda müzakirə prosesi dayandırılır.
Doktorantura və dissertanturaya qəbul imtahanlarının nəticələri açıqlanıb
Azərbaycan dili üzrə fəlsəfə doktoru imtahanı keçiriləcək
DİM Azərbaycan dili üzrə fəlsəfə doktoru imtahanında iştirak üçün qeydiyyat elan edir
Xarici dillər üzrə doktorantura və dissertanturaya qəbul imtahanlarının nəticələri elan olunub
DİM xarici dil üzrə imtahanlarının iştirakçılarına müraciət edib
DİM: Üç əcnəbi Azərbaycan dili üzrə imtahanda minimal bal toplayıb, iki nəfər imtahandan çıxarılıb
ADPU-da doktoranturaya və dissertanturaya qəbul imtahanları və müsahibə başa çatıb
Fəlsəfə doktoru imtahanlarında iştirak etmək istəyənlərin nəzərinə
DİM: Xarici dillər üzrə doktoranturaya imtahanlarının nəticələri bir həftə sonra açıqlanacaq
Doktoranturaya və dissertanturaya xarici dillər üzrə qəbul imtahanına hazırlaşan namizədlərin nəzərinə!
AMEA doktoranturaya və dissertanturaya qəbul elan edib
DİM-dən fəlsəfə doktoru imtahanı verəcək iddiaçılara MÜRACİƏT
DİM doktorantura və fəlsəfə doktoru səviyyəsinə müsabiqə elan edir
Doktorantura və dissertanturaya qəbul olmaq istəyən namizədlərin nəzərinə
AMEA 2017-ci il üçün doktorantura və dissertanturaya qəbul elan edir
Rezidentura, dövlət qulluğu və doktoranturaya qəbul imtahanları başa çatdı – YENİLƏNİB
“Tələbə kartı”nın faydaları – Tələbələr hansı məkanlarda endirimdən yararlana bilərlər?
Qəbul imtahanlarının nəticələri açıqlandı
Buraxılış imtahanlarının NƏTİCƏSİ açıqlandı - 3 nəfər yüksək bal topladı
Ümumtəhsil məktəbləri üçün Təsviri incəsənət və Texnologiya fənni üzrə üzrə təhsil proqramı (kurikulumu) (I-IV siniflər) (STANDARTLAR)
Məleykə Abbaszadə DİM-in yaradılmasının 5-ci ildönümü ilə bağlı fikirlərini bölüşüb
Doktoranturaya və dissertanturaya xarici dillər üzrə qəbul imtahanı keçiriləcək
Buraxılış imtahanlarının nəticələri açıqlanıb
DİM buraxılış imtahanlarının nəticələri AÇIQLADI