Xəbərlər / Direktor
17 may 2023
741
Direktorların işə qəbulu üzrə elektron qeydiyyat başa çatıb
Şagird sayı 500-dən çox olan ümumi təhsil müəssisələrinə direktorların işə qəbulu üzrə elektron sənəd qəbulu başa çatıb.
Elm və Təhsil Nazirliyindən verilən məlumata görə, elektron qeydiyyat prosesində 2956 namizəd iştirak edib.
Hazırda elektron ərizələrin yoxlanılması həyata keçirilir. Yoxlama prosesi başa çatdıqdan sonra test imtahanı mərhələsi barədə məlumat namizədlərin şəxsi səhifələrinə göndəriləcək.
Test imtahanında namizədlərə pedaqogika və metodika üzrə 20 sual, tənqidi oxu bacarığı, təhsil və əmək qanunvericiliyi, liderlik və menecment, riyazi məntiq üzrə hər birinə aid 10 sual olmaqla ümumilikdə 60 test tapşırığı təqdim ediləcək. İmtahanda uğur qazanmış namizədlər yazı işi mərhələsinə dəvət olunacaqlar.
