Azərbaycanlı alim Rusiya Federasiyasında keçirilən konfransın plenar iclasında məruzə ilə çıxış edib.

 Rusiya Federasiyası  Dağıstan Dövlət Tibb Universitetinin (DDTU)  mətbuat xidməti xəbər verir ki,  23 mart 2023-cü il tarixində DDTU-nin   “Elm,  Təhsil  və İnnovasiya Mərkəzi”ndə “Rəqəmsal Transformasiya: Elm, Təhsil, Tibb”  adlı beynəlxalq iştirakçılıqla  ÜmumRusiya elmi-praktik konfransı keçirilmişdir. Konfrans oflayn-onlayn rejimdə keçirilib.

Konfransı giriş sözü ilə açan  DDTU-nin tədris işləri üzrə prorector, prof.  Razi Rəhimov iştirakçıları salamlamış, konfransın işinə uğurlar arzu etmişdir. O qeyd  etmişdir ki, rəqəmsallaşmaya indi dünyada, bütün sahələrində böyük diqqət yetirilir. Təhsilin rəqəmsallaşdırılması neyroşəbəkə texnologiyaları, bulud, koqnitiv texnologiyalar və süni intellekt texnologiyalarının istifadəsinə əsaslanır. Bu çoxlu sayda funksiyaları avtomatlaşdırmağa və tam hüquqlu təlim üçün xüsusi təhsil mühiti yaratmağa imkan verir.   

Strateji inkişaf üzrə prorektor Cəmilə  Ömərova öz çıxışında qeyd etdi ki, bizim qarşımıza kifayət qədər ciddi vəzifələr qoyulub:  universitetimizin  əsas  fəaliyyət istiqamətlərindən olan, universitetin   rəqəmsal yetkinliyinə nail olmaq. Bu istiqamətdə nələri  planlaşdırırıq? İlk növbədə rəqəmsal səriştələrə malik  əməkdaşların  xüsusi çəkisinin artırılması (2030-cu ilədək  əməkdaşların  80%-i belə səriştlərə sahib olacaqlar).  DDTU  e-learning vasitəsilə həyata keçirilən əlavə təhsil proqramlarının payının artırılması üzərində də işləyirik. Mühüm vəzifə rəqəmsal texnologiyanın sürətli tətbiqi və bununla da  müvafiq  departamentin rəqəmsal transformasiya proqramının tam  həyata keçirilməsidir. Eyni dərəcədə vacib vəzifə kadrların hazırlanmasıdır. Uniersitetimiz rəqəmsal iqtisadiyyat  mühitində işləyəcək  həkim kadrlar  hazırlayır.  Onlar rəqəmsal texnologiyaya yiyələnməli, süni intellektin resurslarından tam sərbəst istifadə etməlidirlər”, - deyə Cəmilə Ömərova çıxışında bildirib. 

Daha sonra konfransda  Dağıstan Respublikası Səhiyyə Nazirliyi adından Dağıstan Respublikası Səhiyyə Nazirliyinin  Respublika Tibbi  İnformasiya Analitik Mərkəzinin (RTIAM)  direktoru  prof. E. Mustafayev konfrans iştirakçılarını salamlamış, universitet rektoruna  belə aktual mövzuda  tədbir təşkil etdiyinə görə təşəkkür etmişdir. O, qeyd etmişdir ki, DDTU-də rəqəmsal transformasiya ilə bağlı xeyli iş aparılır, maddi-texniki bazası ilbəil  yaxşılaşdırılır.  Konfransın plenar hissəsi DSMU-nun Biofizika, informatika və tibbi texnika kafedrasının müdiri, dos. Ramazan Əbdülqəlimovun “Rəqəmsal  səhiyyənin real vəziyyətinin təhlili və inkişaf perspektivləri” adlı məruzəsi ilə davam etmişdir.  

Daha sonra  konfransın  Azərbaycandan olan qonağı, ADPU-nun “Kompüter elmləri”  kafedrasının dosenti,  İlham Əhmədov  onlayn rejimdə  konfransın fəaliyyətinə qoşulmuş,  “Avropa İttifaqı ölkələrində təhsilin rəqəmsal transformasiyası təcrübəsi” adlı məruzəsini təqdim etmişdir.  Məruzəçi qeyd edib ki, insan həyatının və cəmiyyətin rəqəmsallaşması sürətlə baş verir, bir çox ölkələr müvafiq inkişaf strategiyaları və qanunlar hazırlayır. Aİ ölkələrinin bu sahədəki böyük təcrübəsi keçid iqtisadiyyatı yaşayan ölkələr, xüsusən də postsovet ölkələri üçün faydalı ola bilər. İnnovativ iqtisadiyyat yaratmağı planlaşdıran ölkələr BMTİP-in, Aİ-nin bütün konseptual sənədlərini diqqətlə öyrənməlidirlər. Bu sənədlər əsasında həyatın bütün sahələrində, o cümlədən elm, təhsil və tibb sahələrində rəqəmsallaşmanın inkişafı üçün öz milli strategiyalarını və inkişaf proqramlarını  yaratmalıdırlar.  Aİ ölkələri rəqəmsal təhsilin inkişafı üçün birgə planlar tərtib edərək, fəaliyyət planı hazırlayıblar. Bu plan 2020-ci ildə qəbul edilib. Fəaliyyət Planı rəqəmsal təhsil sahəsində Avropa səviyyəsində daha sıx əməkdaşlığa çağırışdır. Məqsəd COVID-19 pandemiyası ilə bağlı çətinlikləri dəf etmək, yaranan problemləri həll etmək,  milli, Avropa və beynəlxalq səviyyələrdə istifadə edilə bilən təhsil və öyrənmə texnologiyalarını təkmilləşdirməkdir. 

Daha sonra  DDTU-nin Biofizika, informatika və tibbi texnika kafedrasının professoru Məhəmməd Rizaxanovun  “Müasir elektron vasitələrin  uşaq və  gənclərin zehni inkişafına bəzi mənfi təsirləri”,  DDTU “Elektron Tibbi Təhsil İnstitutu”nun direktoru, dos. Telman Vəzirovun  “Onlayn mühazirələrdən ənənəvi istifadə imkanları  v.s. mövzularda maraqlı məruzələri dinlənildi. 

Konfrans yüksək səviyyədə keçdi və nəzərdə tutulan məqsədlərə nail oldu. 

DDTU-nun mətbuat xidmət