Xəbərlər / İlk peşə təhsili
22 mart 2023
6 454
Bu tarixdən peşə təhsili pilləsinin bütün səviyyələri üzrə kadr hazırlığı dövlət sifarişi ilə həyata keçiriləcək
Peşə təhsili müəssisələrində 2023-cü il aprelin 1-dən peşə təhsili pilləsinin bütün səviyyələri üzrə dövlət büdcəsinin vəsaiti hesabına kadr hazırlığı mərhələli şəkildə adambaşına maliyyələşdirmə prinsipi əsasında dövlət sifarişi ilə həyata keçiriləcək.
Bu, Prezident İlham Əliyevin peşə təhsili müəssisələrində yeni maliyyələşmə mexanizminin tətbiq edilməsi haqqında fərmanında əksini tapıb.
Sənəddə qeyd edilib ki, adambaşına maliyyələşdirmə prinsipi əsasında kadr hazırlığı həyata keçirilən peşə təhsili müəssisələrində 2023–2026-cı illərdə 12 000 təhsilalana münasibətdə ayrı-ayrı ixtisaslar üzrə hər bir təhsilalana düşən illik təhsil xərclərinin miqdarına artım əmsalı tətbiq ediləcək.
