Xəbərlər / Müəllim / Ekspert
02 dekabr 2022
7 204

Nadir İsrafilov : Müəllim əməyinin qiymətləndirilməsi və əməkhaqqına differensial yanaşma heç də yeni məsələ olmayıb


Noyabrın 25-də Elm və təhsil naziri Emin Əmrullayev media üçün keçirdiyi brifinqdə təhsilin bir sıra cari və həllini gözləyən məsələlərindən söz açılıb, sonda isə jurnalistləri maraqlandıran çoxsaylı suallar cavablandırılıb. Nazirin son açıqlamaları sosial mediada müzakirələrə səbəb olub və heç də hamı tərəfindən birmənalı qarşılanmayıb. Bununla bağlı tanınmış təhsil mütəxəssisi Nadir İsrafilovla geniş müsahibənin davamını oxucularımıza təqdim edirik.


 -Nadir müəllim, Müəllimlərin  Sertifikatlaşdırılması prosesinin  ilk mərhələsində  11 mindən artıq müəllim imtahanlarda iştirak edib. Nazirin “Sertifikasiya imtahanları ilə bağlı müəyyən narazılıqlar olduğunu bilirəm” etirafına toxunaq...


-Etiraf etmək, əslində bir növ reallıqlarla razılaşmaq anlamına gələn müsbət xüsusiyyətdir. Bir çox hallarda deyilənləri qulaqardına vurmağımız, müəyyən problemlərin həllində geriyə düşməyimizin əsas faktorlarından biri olub. Narazılıqlar həmişə olub, bundan sonra da olacağı istisna deyil. Söhbət yalnız ümumi ictimai rəyi nəzərə almamaqla narazılıqların tədricən minimuma endirilməsindən gedə bilər. Əski dini mənbəələrdə belə bir kəlam var: ”Həqiqəti kiməsə sübut etmək mümkünsüz dərəcədə çətindir, çünki hər kəsin öz həqiqəti var.”Klassik fəlsəfi dildə desək, nə qədər baş varsa, o qədər də fikir müxtəlifliyi var”.


-Sizcə, nazir “müəyyən narazılıqlar” olduğunu deyərkən nəyi nəzərdə tutub?


-Nazirin nəyi nəzərdə tutduğunu deyə bilmərəm, ancaq belə qənaətə gəlmək olar ki, “müəyyən” ifadəsi qismən razılaşmaq kimi də qəbul oluna bilər. Yəni, kiminsə nədənsə narazılığı bütövlükdə əksəriyyətin narazılığı kimi qiymətləndirilə bilməz. Daha konkret desək, kiminsə nəyəsə münasibəti, kimin haqlı və ya kimin haqsız olduğunun sübutu deyil. Deyək ki, kimlərsə bütövlükdə sertifikasiyanın əleyhinədirsə, digər böyük əksəriyyət isə hesab edir ki, loru dildə desək, yaxşıya da pisə də eyni gözlə baxmaq ədalətsizlikdir. Sertifikasiyada differensial əməkhaqqı sisteminin tətbiq olunması da məhz “yaxşı” ilə “pis”i ayırd etməklə ədalətlilik prinsipinin bərpasına xidmət edir. Bir də ki, müəyyən narazılıqlara və narahatçılıqlara elə bir ciddi əsas da yoxdur. Dəfələrlə rəsmi şəkildə, hətta nazir səviyyəsində bəyan edilib ki, sertifikasiyanın məqsədi kimisə işdən çıxarmaq deyil. İlk mərhələdən keçməyənlər üçün sonrakı mərhələdə iştirak etmək hüququ tanınacaq... Digər tərəfdən differensial əməkhaqqı sisteminin də tətbiq olunması müəllimlər arasında rəqabəti və inkişafı təşviq edəcək”.


Sadəcə olaraq  narahat və narazı olanlara onu xatırlatmaq düşür ki, müəllim əməyinin qiymətləndirilməsi və əməkhaqqına differensial yanaşma heç də yeni məsələ olmayıb, sovet dönəmində də attestasiya adı ilə tətbiq olunub. “İslahat Proqram”ında attestasiya nəzərdə tutulsa da, onun tətbiqi üçün olduqca mürəkkəb, uzun prosedurlar tələb olunduğundan reallaşması mümkün olmadı. Sonralar bu proses müəllimlərin sınaq imtahanı, daha sonra isə diaqnostik qiymətləndirmə formasında davam etdirilib. Bir müddət sonra “Təhsil haqqında Qanun”a müvafiq dəyişikliklər və əlavələr təklif olundu. Attestasiya Diaqnostik Qiymətləndirmə ilə əvəz olundu. Məsələ ondadır ki, 2014-cü ildən başlayaraq müəllimlərin böyük əksəriyyətinin bu prosesə cəlb olunmasına baxmayaraq, Diaqnostik qiymətləndirmə heç də hamı tərəfindən birmənalı qarşılanmadı, bu prosedurun mükəmməl olmamasından şikayətlənənlər də az olmadı.


Nəticə olaraq, belə qərara alındı ki, "Əmək Məcəlləsinin 66-cı (attestasiya olunmayan işçilər) maddəsinə əlavə edilən yeni  bəndə əsasən, dövlət ümumitəhsil müəssisələrində işləyən təhsilverənlər attestasiya olunmayacaq. Sənədə təklif edilən yeni dəyişikliyə görə müəllimlər sertifikasiyadan keçiriləcək. Yeni dəyişikliyə görə, ölkəmizdə dövlət ümumtəhsil müəssisələrində işləyən təhsilverənlər 5  ildən bir sertifikasiyadan keçiriləcək və verilən sertifikatın hüquqi qüvvəsi növbəti sertifikasiyaya qədər (5 illik) olacaq”. Nəhayət 2022-ci ilin mayında “Dövlət ümumi təhsil müəssisələrində (ümumi təhsil üzrə təhsilverənlərə münasibətdə digər dövlət təhsil müəssisələrində) işləyən təhsilverənlərin sertifikatlaşdırma Qaydası” təsdiq edilib. İstənilən halda, Sertifikasiya Azərbaycanda Təhsilin İnkişafı üzrə Dövlət Strategiyasına əsasən həyata keçiriləcək tədbirlərdən biridir və əsas məqsədi müəllimləri daim inkişafda saxlamaqdadır.


-Sertifikasiyadan söz düşmüşkən, “Gələcək aylarda plan ondan ibarətdir ki, sertifikasiya prosesinə direktorları da cəlb edək”. Bir az da bu barədə danışaq...


-Müsbət yanaşıram. Ən çox narazılıqlar direktorlardan olduğundan, ilk olaraq elə onlardan başlamaq lazım idi, biz isə müəllimlərdən başladıq. Niyəsini aydınlaşdırım. Hələ, 1999-cu ildə dövlət komissiyası tərəfindən hazırlanmış “Azərbaycan Respublikasının təhsil sahəsində islahat Proqramında “rəhbər və pedaqoji kadrların attestasiya sisteminin yaradılmasına, onların əməyinin obyektiv qiymətləndirilməsinə, yaradıcı, böyük ustalığa malik müəllim və tərbiyəçilərin maddi və mənəvi stimullaşdırılmasına, əmək haqqının ödənilməsinə differensial yanaşmanın tətbiqinə lazımı diqqət yetirilməməsi” barədə müddəalar xüsusi olaraq vurğulanmış və bunun həll olunacağı müddətlər belə müəyyən olunmuşdu. Belə ki, bununla əlaqədar, Nazirlər Kabineti “Azərbaycan Respublikasında işçilərin attestasiyasının keçirilməsi Qaydalarının təsdiq edilməsi barədə” 23 may, 2001-ci il tarixli, 97 №-li qərar da vermişdi. Nazirliyin 21 oktyabr, 2002-ci il tarixli, 987 №-li əmrinə əsasən, təhsil sistemində fəaliyyət göstərən rəhbər və pedaqoji kadrların attestasiyasının keçirilməsi ilə əlaqədar bütün hazırlıq və sənədləşmə işlərinin dekabr ayına qədər yekunlaşdırılması, əvvəlcədən müvafiq qaydada təsdiq olunmuş qrafiklər əsasında 2003-cü ilin yanvar ayından etibarən başlanılması nəzərdə tutulmuşdu. “Proqram”da attestasiya nəzərdə tutulsa da, onun tətbiqi üçün olduqca mürəkkəb, uzun proseduralar tələb olunduğundan reallaşması mümkün olmamasını və bu prosedurun sertifikasiya ilə əvəz olunduğu barədə bayaq danışdıq. Hər şey rəhbərlikdən başladığı kimi, gərək sertifikasiya da direktorlardan başlayardı. Mən qalsa, yxın gələcəkdə Regional Təhsil idarələrinin rəhbərlərini də bu prosedura cəlb etmək olar...

(Ardı var)

Elmin Nuri

resim


Загрузка...
loading...

Həmçinin oxuyun:
Sertifikasiya: müəllimlərin sınağı, yoxsa “sınmağı”? - RƏYLƏR

Sertifikasiya: müəllimlərin sınağı, yoxsa “sınmağı”? - RƏYLƏR

Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib

Prezident İlham Əliyev ADA Universitetində keçirilən "Cənubi Qafqaza yeni baxış: münaqişədən sonra inkişaf və əməkdaşlıq" adlı beynəlxalq konfransda iştirak edib

AZƏRBAYCAN RESPUBLİKASININ ÜMUMTƏHSİL SİSTEMİNDƏ QİYMƏTLƏNDİRMƏ KONSEPSİYASI

AZƏRBAYCAN RESPUBLİKASININ ÜMUMTƏHSİL SİSTEMİNDƏ QİYMƏTLƏNDİRMƏ KONSEPSİYASI

Görülən tədbirlərin nəticəsi həm kəmiyyətdə, həm də keyfiyyətdə özünü göstərib

Görülən tədbirlərin nəticəsi həm kəmiyyətdə, həm də keyfiyyətdə özünü göstərib

Təhsilin inkişaf strategiyası: nailiyyətlər və əsas hədəflər - Nazir YAZDI

Təhsilin inkişaf strategiyası: nailiyyətlər və əsas hədəflər - Nazir YAZDI

"Təhsildə yeni keyfiyyət mərhələsi başlayır"  Azərbaycan Respublikasının Təhsil Naziri Mikayıl Cabbarovun “Azərbaycan” qəzetinə müsahibəsi

"Təhsildə yeni keyfiyyət mərhələsi başlayır" Azərbaycan Respublikasının Təhsil Naziri Mikayıl Cabbarovun “Azərbaycan” qəzetinə müsahibəsi

Azərbaycan Respublikasında təhsilin inkişafı üzrə Dövlət Strategiyası

Azərbaycan Respublikasında təhsilin inkişafı üzrə Dövlət Strategiyası

Emin Əmrullayev: “Qazilərlə bağlı məsələyə güzəşt kimi yox, status kimi baxmalıyıq”

Emin Əmrullayev: “Qazilərlə bağlı məsələyə güzəşt kimi yox, status kimi baxmalıyıq”

Emin Əmrullayev bir sıra mühüm məqamlara aydınlıq gətirib

Emin Əmrullayev bir sıra mühüm məqamlara aydınlıq gətirib

İlham Əhmədov: "Hər bir ölkənin gələcəyi o ölkə insanlarının alacağı təhsilə bağlıdır"

İlham Əhmədov: "Hər bir ölkənin gələcəyi o ölkə insanlarının alacağı təhsilə bağlıdır"

Bizi məharətli idarəçilik, birlik və həmrəylik xilas edir

Bizi məharətli idarəçilik, birlik və həmrəylik xilas edir

Bakı təhsili: təqvim ilinin təhsil mənzərəsi

Bakı təhsili: təqvim ilinin təhsil mənzərəsi

Magistratura imtahanı ətrafında dartışma: Bu sualın cavabını tapana priz düşür

Magistratura imtahanı ətrafında dartışma: Bu sualın cavabını tapana priz düşür

Distant təhsil: tərəddüdlər və çağırışlar

Distant təhsil: tərəddüdlər və çağırışlar

Pedaqoji Lüğət

Pedaqoji Lüğət

Uğurlu təhsil islahatlarının banisi

Uğurlu təhsil islahatlarının banisi

Ənənəvi və interaktiv təlim metodlarının müqayisəli təhlili

Ənənəvi və interaktiv təlim metodlarının müqayisəli təhlili

Paytaxt təhsili 2021-ci təqvim ilində

Paytaxt təhsili 2021-ci təqvim ilində

Ümumtəhsil məktəbləri üçün Riyaziyyat fənni üzrə   üzrə təhsil proqramı (kurikulumu) (I-IV siniflər) (STANDARTLAR)

Ümumtəhsil məktəbləri üçün Riyaziyyat fənni üzrə üzrə təhsil proqramı (kurikulumu) (I-IV siniflər) (STANDARTLAR)

Təhsilin inkişafını əsaslandıran Strategiya

Təhsilin inkişafını əsaslandıran Strategiya

Məleykə Abbaszadə DİM-in yaradılmasının 5-ci ildönümü ilə bağlı fikirlərini bölüşüb

Məleykə Abbaszadə DİM-in yaradılmasının 5-ci ildönümü ilə bağlı fikirlərini bölüşüb

Prezident Bakıda Hərbi Qənimətlər Parkının açılışında iştirak edib

Prezident Bakıda Hərbi Qənimətlər Parkının açılışında iştirak edib

İctimai mühitə təhsillə baglı mütəxəssis fikirləri necə  təsir  edir

İctimai mühitə təhsillə baglı mütəxəssis fikirləri necə təsir edir

Məktəb direktoru necə olmalıdır? - Beynəlxalq təcrübə...

Məktəb direktoru necə olmalıdır? - Beynəlxalq təcrübə...